Nota de Prensa
O BNG PREGUNTA POLAS ACCIONS LEVADAS A CABO POLO CONCELLO PARA ASEGURAR O COBRO DE 1.271.507,42 EUROS PENDENTES DE PAGO POR PARTE DE ASTUNOSA SERVIZOS INMOBILIARIOS.
A inmobiliaria asinante do Convenio de Infraestruturas e Servizos declarouse insolvente e ten aberto un proceso concursal voluntario.
A insolvencia de Astunosa supuxo a paralización da construción de 532 vivendas en San Cibrao e o incumprimento dos pagos acordados no Convenio de Infraestruturas e Servizos asinado co Concello de Cervo en decembro de 2006.
O BNG quere coñecer cales son as accións levadas a cabo polo goberno municipal para facer efectivas as débedas contraídas por Astunosa Servizos Inmobiliarios co concello de Cervo de acordo co Convenio de Infraestruturas e Servizos asinado coa empresa. Ademais solicitamos informacion sobre as garantías xurídicas que ofrece o convenio e os informes da secretaria municipal que avalan a sinatura do convenio aprobado polo goberno municipal en novembro de 2006.
Segundo este convenio, Astunosa Servizos Inmobiliarios(antes Pasillo Verde) debería pagar ao concello a cambio da concesion de licenzas de construción de 532 vivendas cunha edificabilidade total de 45.445,16 m2, a cantidade de 1.817.870,60 euros dos que so fixo efectivos 546.363,48 euros, polo que a débeda pendente co concello suma 1.271.507,42 euros.
Antecedentes:
As obras desta promoción paradas dende a pasada primavera estiveron rodeadas de polémica pola concesión das licenzas, denunciadas polo BNG diante da Dirección Xeral de Urbanismo que ordenou a súa paralización ao entender, en liña co argumentado polo BNG, que se trataba de Solo Urbano Non Consolidado e recoñecer un exceso de edificabilidade de 10.000m2, a orde foi incumprida polo concello e a propia Dirección Xeral de Urbanismo eludiu acudir a vía xudicial por temor a unha sentenza adversa. Ademais dende o BNG, criticouse a opacidade e lixeireza na sinatura dun convenio que como se esta a ver non conta coas garantías suficientes para facerse efectivo nos prazos estimados.
A Xunta de Goberno Local aprobou o 14 de novembro de 2006 o “Convenio para a mellora de Infraestruturas e Servizos de Cervo”, tendo entrada no Rexistro Municipal con data 15 de decembro de 2006 o documento asinado con Astunosa Servicios inmobiliarios e outras empresas da construción e promoción inmobiliaria, todas elas con solicitudes presentadas para proxectos de construción no termo municipal de Cervo cunha edificabilidade conxunta de 86.446,98 m2, sendo no caso que nos ocupa a outorgada a Astunosa o 52,57% do total, polo que Astunosa Servizos Inmobiliarios comprometíase ao pago de 1.817.870,60 euros, tendo pendentes de efectivizar 1.271.507,42 euros ao non asumir os seus compromisos co concello nas datas previstas no convenio nin as sucesivas prorrogas solicitadas con posterioridade pola empresa.
A forma de pago mediante pagares que non se fixeron efectivos, conta co aval segundo se especifica no “Convenio para a mellora de Infraestruturas e Servizos de Cervo”, de vivendas concretas de diferentes fases do proxecto que aínda non foron executadas nin se prevé a súa execución a curto prazo tendo en conta a situación financeira da promotora e o parón do mercado inmobiliario.
Si as finanzas da promotora non son boas, as do concello non son mellores.
Astunosa Servicios inmobiliarios declarouse insolvente no mes de maio e ten presentado concurso voluntario de acredores nun proceso que se sigue no Xulgado do Mercantil numero 7 de Madrid con publicación no BOE 226 de 18 de setembro, polo que o concello debería tomar parte nese concurso na defensa dos intereses municipais, xa bastante deteriorados tendo en conta que o propio Alcalde recoñeceu publicamente a deteriorada situación da economía municipal.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
