Nota de Prensa
O PPdeG non participará en festas políticas mentres poida haber familias afectadas polos fenómenos atmosféricos que se prevén para a noite de mañá
O PPdeG apraza a súa celebración do domingo pola alerta climatolóxica e os membros da Xunta centraranse ese día en analizar os efectos do temporal
* Os populares consideran que o máis prudente é evitar desprazamentos innecesarios e polo tanto non pedirá á súa militancia que acuda a Santiago expoñéndose aos riscos do temporal
Santiago de Compostela, 26 de febreiro de 2010. – O PPdeG decidiu aprazar a súa conmemoración da victoria nas autonómicas do pasado ano pola alerta climatolóxica decretada para Galicia no día e a noite de mañá. Os populares consideran que o máis prudente é evitar desprazamentos innecesarios e polo tanto non pedirá á súa militancia que acuda a Santiago expoñéndose aos riscos do temporal.
Os problemas chegarán principalmente na madrugada do sábado e se ben para o domingo non se espera -polo momento- que o temporal persista, o partido non organizará unha festa política cando Galicia pode estar enfrontándose esa mañá aos danos ocasionados polos efectos da climatoloxía.
Os membros do Goberno galego destinarán polo tanto a xornada do domingo a traballar nas súas obrigas na Xunta, e a analizar os efectos que puidese sufrir a Comunidade ante un temporal que se prevé intenso.
Os populares louvan a responsabilidade do presidente, que cancela unha gran festa do partido que preside para centrarse nas súas responsabilidades coa cidadanía galega.
O PPdeG xa comunicou esta decisión ao presidente do País Vasco, Antonio Basagoiti, así como ao presidente nacional, Mariano Rajoy, que comprenderon a situación e que polo tanto non se desprazarán a Galicia para asistir a esta festa popular.
A celebración non se suspende senón que queda aprazada para outro momento, a determinar en función das axendas do presidente nacional e do presidente do PP de Galicia.
Os membros do partido con responsabilidades na Xunta demostran unha vez máis que por enriba das súas obrigas no PPdeG está o seu compromiso con Galicia.
Comportamentos como este de Feijóo e do resto de membros do Goberno demostran que Galicia, un ano despois daquel 1 de marzo, non se equivocou apostando polo partido.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
