LUGO .- A Deputación de Lugo acompañará ao movemento social xerado na Mariña para reclamar a axilización da construción da VAC Ferrol-Barreiros. Neste sentido, Antonio Veiga fixo un chamamento “á participación e unión da sociedade e institucións para consensuar e adoptar as medidas necesarias para que a VAC Ferrol-Barreiros sexa unha realidade en 2014”, e animou a acudir á asemblea que se organiza a tal fin mañá sábado á 1 do mediodía no teatro Pastor Díaz de Viveiro.
Nota de Prensa
A DEPUTACIÓN DE LUGO RECLAMA A AXILIZACIÓN DA EXECUCIÓN DA VAC FERROL-BARREIROS
Antonio Veiga fixo un chamamento “á participación e unión da sociedade e institucións para consensuar e adoptar as medidas necesarias para que a VAC Ferrol-Barreiros sexa unha realidade en 2014”
Neste camiño, Veiga manifestou que “a presión social do conxunto da sociedade mariñá é fundamental para acadar o obxectivo de ter unha infraestructura de comunicación que vertebre o norte galego no menor tempo posíbel, e polo tanto é indispensábel a unión das asociacións veciñais, empresariais, políticas e sindicais para actuar ao unísono”
LUGO, 26 de febreiro de 2010. O delegado da Área de Cultura e Deportes da Deputación de Lugo, o nacionalista Antonio Veiga, informou hoxe no transcurso da rolda de prensa posterior á Xunta de Goberno, fóra dos asuntos da orde do día, que a Deputación de Lugo acompañará ao movemento social xerado na Mariña para reclamar a axilización da construción da VAC Ferrol-Barreiros. Neste sentido, Antonio Veiga fixo un chamamento “á participación e unión da sociedade e institucións para consensuar e adoptar as medidas necesarias para que a VAC Ferrol-Barreiros sexa unha realidade en 2014”, e animou a acudir á asemblea que se organiza a tal fin mañá sábado á 1 do mediodía no teatro Pastor Díaz de Viveiro.
Segundo explicou Veiga, a postura da Deputación en canto á necesidade e importancia de axilizar o proceso de execución da VAC Ferrol-Barreiros quedou patente xa no pleno do pasado 24 de novembro, cando unha moción promovida polo BNG na que se recollía o clamor social e institucional da Mariña neste camiño recibiu os apoios das tres forzas políticas, sendo aprobada por unanimidade. Nesta proposta, ratificada polo pleno provincial, instábase á Xunta de Galiza a estabelecer datas para a licitación dos tramos da VAC de Ferrol – San Cibrao, que nese tempo se atopaban na fase de redacción de proxecto, e tamén ao Goberno do Estado a establecer un prazo de execución para o proxecto e a obra do tramo da VAC da súa competencia, que vai de Barreiros a San Cibrao. Veiga remarcou que, desde a Deputación, sendo conscientes da importancia desta infraestructura viaria para o norte galego, nese mesmo pleno acordouse tamén solicitar ás dúas administracións, estatal e autonómica, que procederan á elaboración dun cronograma con prazos e consignacións orzamentarias suficientes que permitisen rematar a VAC Barreiros – Ferrol no horizonte de 2014.
Para lograr isto, Antonio Veiga chamou á sociedade, asociacións, grupos políticos, sinditacos, etc, a participar e implicarse mañá na asemblea que os concellos organizan en réxime de autoconvocatoria no teatro Pastor Díaz de Viveiro á 1 do mediodía, xa que, para Veiga, “a presión social do conxunto da sociedade mariñá é fundamental para acadar o obxectivo de ter unha infraestructura de comunicación que vertebre o norte galego no menor tempo posíbel, e polo tanto é indispensábel a unión das asociacións veciñais, empresariais, políticas e sindicais para actuar ao unísono”.
Asuntos do día
Dentro dos asuntos do día da Xunta de Goberno, o delegado da Área de Cultura da Deputación deu conta da aprobación e concesión de subvencións a asociacións culturais e deportivas pola realización de actividades en 2008. En total, Antonio Veiga explicou que recibirán subvención correspondente ao 2008 vinteseis asociacións culturais por un importe de 28.450,88 euros, e dez asociacións e clubs deportivos por un importe de 23.726,86 euros, ao igual que o Concello de Monforte pola realización de actividades deportivas recibiu unha subvención de 4.117,65 euros
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
