Ribadeo, 6 de marzo de 2019. Acisa Ribadeo convoca o IX Concurso Fotográfico Día do Pai no que repartirá 400 euros en premios. As fotografías poderán subirse ao facebook da asociación ata o vindeiro día 19.
No concurso poden participar todas as persoas maiores de idade que o desexen e os traballos presentados non puideron ser publicados previamente en revistas, xornais, libros impresos ou sistemas online, nin puideron ser obxecto de ningún outro premio fotográfico.
As fotografías deben subirse á páxina do facebook de Acisa, mediante a app instalada para tal efecto. Deberán indicar un título da obra, o seu correo electrónico e o teléfono. As persoas que se vexan na fotografía terán que ter vínculo familiar e entenderase que no caso de saír menores, a fotografía foi sacada e publicada coa autorización dos pais e titores legais.
A aplicación no facebook funcionará dende as 00:00 horas de hoxe, 6 de marzo, e desde ese momento as fotos poderanse subir á plataforma. O prazo máximo de envío será ata as 23:59 horas do día 19 de marzo, que será cando a app deixe de admitir imaxes. Durante ese prazo, do 6 ao 19 de marzo, terá lugar a votación popular que dará lugar ao Premio do Público. E entre as 10 imaxes máis votadas na aplicación, exceptuando a gañadora do Premio do Público, realizarase unha selección por parte do xurado das dúas mellores. A resolución desta selección dará lugar ao Premio do Xurado.
A publicación oficial realizarase o día 20 de marzo en redes e medios, para comunicar a resolución de ambas categorías, así coma a título persoal aos agraciados. O xurado estará composto por representantes da asociación e fotógrafos profesionais asociados.
Na modalidade de Premio do Público haberá un único premio de 150 euros en vales de compra para gastar nos locais asociados a Acisa. Na categoría de Premio do Xurado outorgaranse un 1º Premio dotado de 150 euros en vales de compra e un 2º Premio de 100 euros tamén en vales de compra.
Os premiados deberán contestar á chamada telefónica que se realizará dende as oficinas de Acisa e realizaranse tres intentos, no caso de non atender a chamada pasarase ao seguinte seleccionado.
As fotografías premiadas e as presentadas poderán ser utilizadas nas diferentes plataformas de difusión de Acisa, co único obxecto de promocionar a fase participativa do concurso.
Desde Acisa explican que “seguimos con esta campaña conscientes de que é un dos concursos que organizamos que máis lle gusta ao público. Sempre hai unha enorme participación e moito maiores son as votacións das fotos presentadas ao certame. Pensamos tamén que é unha boa ferramenta para os socios e socias de Acisa, xa que para participar e/ou votar hai que ver o facebook da asociación, onde diariamente compartimos as publicacións das nosas asociadas e asociados. Trátase pois dunha época nas que as nosas redes sociais teñen máis visitas”.
A Asociación de Comerciantes, Industriais, Servizos e Autónomos anima a participar no IX Concurso Fotográfico Día do Pai.
Acisa repatirá 400 euros en vales de compra no IX Concurso Fotográfico do Día do Pai. A campaña desenvolverase ata o 19 de marzo
Relacionado
-
As Festas do Oito ofrecerán gastronomía, música e actividades infantís do 4 ao 7 de setembro no Valadouro
-
A parroquia de Sante, en Trabada, celebra este domingo a terceira edición da Voltiña con percorridos e paellada popular
-
Ribadeo despedirá este sábado o verán cun Guateque dos anos 60 no Parque de San Francisco
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
