A Mariña, 10 de abril de 2019. Unha delegación alemá da que forman parte un distribuidor de produtos gourmet en Berlín, Marcus Lind, e o prestixioso cociñeiro de orixe coreana Song Lee, especialista en sushi, visitaron as lonxas de Celeiro e Burela e o IES de Foz para coñecer o peixe fresco da zona. Esta actividade, denominada misión comercial inversa, foi organizada pola empresa mariñá Pescados Orol, que traballa para vender peixe fresco en Alemaña. Ata agora faino en diferentes lugares de España e tamén Portugal e Italia.
A responsable de Calidade de Pescados Orol, Belén González, explicou que esta iniciativa xurdiu “a raíz dun contacto cun distribuidor alemán de produtos gourmet que traballa sobre todo na zona de Berlín e que está interesado en abrir mercado de peixe fresco de calidade en Alemaña. Este tipo de distribuidores traballan habitualmente coñecendo o produto desde a súa orixe, polo que tiña interese en vir directamente a ver o peixe e acompañámolo ás lonxas de Burela e Celeiro, onde estivemos presenciando a venda de marisco e de peixe do día, no primeiro caso, e a de pescada, no segundo. Este distribuidor ven acompañado dun dos seus clientes, que é un cociñeiro alemán de orixe coreana especialista na elaboración de sushi. Pareceunos moi boa idea que para coñecer o produto directamente eles mesmos escolleran o peixe nas lonxas e ao día seguinte ir á Escola de Cociña de Foz para que o cociñeiro preparara sushi e ensinou aos alumnos as súas técnicas. E o alumnado da Escola mostrou as preparacións habituais da zona nas que se cociñan eses mesmos peixes”. Para esta actividade no IES de Foz utilizouse xarda e robaliza e o cociñeiro Song Lee destacou a calidade do peixe e comentou que en Alemaña é difícil traballar con produto tan fresco.
Despois os responsables de Pescados Orol levaron á delegación alemá a un restaurante para degustar un menú con varios peixes da zona.
Pescados Orol agradece a colaboración das lonxas de Burela e de Celeiro, que permitiron á delegación alemá presenciar a venda e coñecer como funcionan ABSA e Puerto de Celeiro.
E o director do IES de Foz, Nicolas Asensio, amosouse satisfeito co desenvolvemento desta actividade porque “aprender as técnicas de Song Lee resultou moi interesante para o alumnado e o profesorado dos ciclos de Cociña do centro que participaron”, polo que agradeceu a Pescados Orol que contara co IES focense para esta iniciativa.
Un distribuidor alemán de produtos gourmet e un prestixioso cociñeiro especialista en sushi visitaron as lonxas de Burela e Celeiro e o IES de Foz para coñecer o peixe fresco da zona
Relacionado
-
Medio Rural reafirma a súa aposta pola conservación e impulso das razas autóctonas na Feira de Gando de Augaxosa en Riotorto
-
O BNG denuncia que o Centro de Saúde do Valadouro volve quedar cun só médico tras dous anos de recortes
-
O CFEA Pedro Murias de Ribadeo arrinca o curso cun novo ciclo superior e récord de estudantes
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
