Lugo. 12, abril, 2019. Os candidatos ao Congreso e ao Senado iniciaron a campaña ás eleccións xerais con distintos repartos na cidade e mítines pola provincia “convencidos de que estamos preparados para gobernar”. Deste xeito, os populares defenderon a importancia de aglutinar o voto da centrodereita, pois “somos o único Partido que xestiona, facendo útiles os fondos públicos”.
Por iso, consideran que, “fronte aos que ameazan a nosa democracia, a nosa resposta é o fortalecemento das institucións”. “É importante unir o voto, xa que canda máis división haxa, mellor lle irá a Sánchez e peor lle irá á nosa provincia e a Galicia”, manifestou a presidenta provincial en Becerreá.
“Non somos un Partido que vive de pancartas e mesmo de eslóganes. Nós nunca gobernaremos a costa de botarnos nos brazos dos que queren romper o país. Para o PP non todo vale. Así o demostramos cando estamos nas institucións, priorizando o gasto”. Como exemplo dito, Elena Candia citou o Plan Único da Deputación; actuación que esta administración puxo en marcha grazas á petición e ao apoio do grupo provincial que dirixe.
Na mesma liña, Jaime de Olano, que interveu xunto a Candia e a José Manuel Balseiro no encontro celebrado neste municipio da Montaña, lembrou que “la estadía de Sánchez en la Moncloa no solo ha servido para destruír el crecimiento económico que había recuperado el país. Hoy tenemos más parados o empresas que tienen miedo a invertir por lo que pueda pasar si Sánchez gana las elecciones. Tenemos experiencia y lo sabemos hacer. Por eso es importante dar el apoyo a Pablo Casado el 28 de abril”, destacaron.
O cabeza de lista ao Congreso, a presidenta provincial e Balseiro pediron o voto para un Goberno que “só se deba a España e aos españois”. “Os aliados de Pablo Casado son os españois. Os aliados do PP somos os españois. Non hai máis que ver os Orzamentos de Rajoy e os de Sánchez. Mentres que co PP os socios eramos a cidadanía, os socios de Sánchez son os vascos e os cataláns. Só aos lucenses nos quería reducir un 35% os investimentos do Estado. Menos mal que estaba o PP para paralo no Congreso e frear esta sangría sen precedentes”, afirmaron.
Pola súa banda, José Manuel Balseiro subliñou que o PP “é o único Partido ao que si lle importan realmente Galicia e os lucenses”. Neste senso, destacou que a Xunta de Galicia inviste por lucense case 20 veces máis que “o sanchismo”. En total, apuntou, máis de 1.300 millóns de euros, “ou noutras palabras, máis de 4.000 euros por habitante, moi por diante do que inviste tamén a Deputación de Lugo”.
“O PP é un #ValorSeguro. O PSOE só lle daba a cada veciño desta provincia 70 millóns de euros, fronte aos máis de mil do Goberno de Galicia”. Por tanto, concluíu, “somos un aval para o emprego, a economía, as infraestruturas…. é dicir, a única alternativa posible para gobernar en Madrid, en Galicia, en Lugo e nesta provincia”.
Actos pola provincia
Na xornada de hoxe, aos repartos na cidade e ao mitin de Becerreá, tamén se sumaron outros actos no municipio de Lugo (Colexio das Gándaras e en Santa Eulalia de Bóveda), así como en O Incio. Os populares continuarán mañá o seu percorrido pola provincia con distintos encontros e co fin de trasladar aos veciños a importancia de que o vindeiro día 28 de abril o Partido Popular acade o resultado necesario para gobernar.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
