A Mariña, 12 de abril de 2019. A Mancomunidade de Concellos da Mariña Lucense presentou na Casa Museo de Álvaro Cunqueiro, en Mondoñedo, as audioguías ficcionadas da Mariña en catro idiomas: galego, castelán, inglés e francés e o material que se elaborou para a promoción deste produto conxunto. Este proxecto levado a cabo pola Mancomunidade e o Grupo Chévere (Premio Nacional de Teatro 2014) conta co apoio da Deputación de Lugo e da Xunta de Galicia para a promoción turística do xeodestino.
No acto participaron o presidente da Mancomunidade de Municipios da Mariña, Alfredo Llano; a alcaldesa de Mondoñedo, Elena Candia; a concelleira de Turismo de Ribadeo, Ana Martínez; o tenente de alcalde de Viveiro, Jesús Fernández; o responsable da Área de Turismo na Deputación de Lugo, Eduardo Vidal; o delegado territorial da Xunta en Lugo, José Manuel Balseiro; e a xerente de Turismo da Mancomunidade, Tania Hermida.
Na súa intervención o presidente da Mancomunidade, Alfredo Llano, lembrou que “son as audioguías teatralizadas que comezamos o ano pasado a través da iniciativa da Mancomunidade, a través das subvencións que recibe da Deputación máis da Xunta. Estamos tratando de rentabilizar sempre o mellor posible todo o que nos dan para a promoción turística da Mariña. As audioguías veñen a complementar e a facer unha labor, penso que extraordinaria, van dar un novo servizo e unha nova axuda aos visitantes que loxicamente van vir moitos supoño, estes días, aquí por Mondoñedo, por Viveiro, por Ribadeo e polo resto da Mariña”.
Para Llano “é unha oportunidade de ir por estes pobos que teñen tanto que ensinar e facelo de maneira individual e que se poida ir apreciando todo canto se di nas audioguías e que agora mesmo teñamos a tradución a catro idiomas porque está o galego, o castelán, o inglés e o francés, polo tanto é unha audioguía moi completa. Pensamos que isto é unha fórmula máis para entre todos os da Mancomunidade axudarnos, desta maneira imos ter sempre moita máis importancia, ofrecernos e así informar a todo o mundo que somos un xeodestino, A Mariña. Os 16 concellos teñen todos moito que ofertar e debemos complementarnos entre todos. Isto das audioguías é unha primeira parte que esperamos que se poida continuar no futuro noutros concellos porque todos teñen algo que dicir”.
O presidente da Mancomunidade engadiu: “hai unha cuestión importantísima que se está dando nos últimos meses, que é unha coordinación entre todas as oficinas de turismo de todos os Concellos que o fai, a través da Mancomunidade, a xerente en materia turística, Tania Hermida. Iso é importante porque das conversas saen propostas que se van levar adiante. Hai que seguir así, hai que ofrecer A Mariña como un xeodestino único, pero coa súa impresionante diversidade que imos atopar en cada un dos concellos”.
Pola súa banda, Tania Hermida, contou que “nas oficinas de turismo imos atoparnos cuns carteis que invitan tanto aos veciños da Mariña como aos visitantes a que se mergullen un pouco na historia, nos sucesos, e en personaxes concretos de cada unha das vilas que doutra forma non poderían coñecer. A través dun código van poder acceder a unha sección que hai na páxina web coas audioguías das diferentes localidades nos catro idiomas, aí poderán tamén ampliar a información da cada unha das audioguías e como funcionan, ademais dunha introdución ao proxecto que cremos que aporta valor. Por outro lado imos ter nas tres localidades, en Mondoñedo, Viveiro e Ribadeo, un folleto no que tamén se poderá ampliar a información, como na páxina web, sobre as audioguías. Con isto o que queremos facer e que nos sitios onde non se poda ter dispoñibilidade dun mp3 e duns cascos, que a xente co seu propio dispositivo móbil e uns cascos illantes poida facer o paseo de forma libre e autónoma”.
As tres audioguías: Mondoñedo, Ribadeo e Viveiro teñen un enfoque, un tratamento e un formato diferenciado que buscan a implicación emocional por parte da persoa que escoita, provocar a curiosidade e promover que se fagan os tres paseos.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
