Foz, 15 de abril de 2019.- O candidato do PSOE á alcaldía de Foz, Francisco Cajoto, nunha entrevista no programa Voces de Lugo, de RadioVoz, preguntado sobre como está percibindo a cidadanía a campaña dos socialistas subliñou que “nótase nos veciños que hai ganas de cambio e de que de novo haxa un goberno de esquerdas que xestione o noso Concello adecuadamente. Fixemos dende o partido un traballo conxunto, de reunión entre todos os compañeiros para ofrecerlles aos focenses unha alternativa da que estamos convencidos que vai a ser a máis votada”.
“Os socialistas queremos un Foz que se preocupe polo mantemento dos servizos básicos, que aposte polos traballadores públicos e non por externalizar prestacións, que recupere o investimento no rural. Todo iso con compromiso, seriedade, lealdade e sendo fieis a uns presupostos que o PP incumpre ano tras ano”.
Auditoría de contas e mellorar os accesos
Preguntado polas primeiras accións que emprendería en caso de chegar ao goberno municipal, Francisco Cajoto explicou que “realizariamos unha auditoría das contas, pois temos un Concello descontrolado no gasto, as partidas dos presupostos non se cumpren, hai facturas sen xustificar, partidas infladas. Imos a facer un punto e aparte e ser moi rigorosos cos cartos de todos os veciños”.
“Recuperaremos a Avenida da Mariña dirección Burela e a rúa Álvaro Cunqueiro dirección Ribadeo porque actualmente, debido á xestión do PP, existe un caos moi grande na circulación dos principais accesos ao noso municipio
A vista posta no rural
O candidato socialista subliñou que “temos a vista posta no rural, sen descoidar o casco urbano, posto que hai máis de 4.500 veciños de 8 parroquias que foron abandonados polo PP durante estes anos. Temos que incidir e pensar en eles e non só en época electoral. Hai que atender os camiños, os alumeados, os accesos… para que exista igualdade de oportunidades. Non queremos veciños de primeira e outros de segunda”.
Escoita aquí enteira a conversa
https://www.facebook.com/967010066652409/videos/392281264960821/
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
