Esta é a entrada a un pequeno paraíso moi cerca de todos nos. Podes entrar nel, só precisas dun bo calzado para andar entre as rochas e que non importe mollalo. Impacta o cheire a mar, a presencia intanxible da vida mariña na costa en todo o seu esplendor.
Trasladarán 61.000 metros cúbicos de arena a praia de O Perdouro
Enfrontándose ao Cantábrico no horizonte, pululan entre as rochas innumerables seres vivos dunha variedade colorista arrebatadora. Estamos diante dunha verdadeira aula da natureza mariña en todo o seu esplendor, un observatorio disposto a ser explorado por ollos abertos de curiosidade. Entre as algas, debaixo das rochas, nadando entre as pequenas correntes, esperando a subida da marea, atopamos unha riqueza exposta e única.
Ben saben dela os habitantes da zona. Eles aproveitan a xenerosidade deste ecosistema rochoso, recolectando os seus froitos máis saborosos. É un deses lugares no que te reconcilias coa natureza, ese pequeno xardín preto da casa ao que te acercas a descansar e a contemplar o mundo pasar.
“Apúrate en visitalo, porque este verdadeiro luxo ten os días contados”.
Ao parecer, estou errado. Ao parecer, os meus ollos ven mal, do que estou a falar non e un ecosistema costeiro rochoso cunha riqueza específica a protexer, senón unha “praia” que se ten que “rexenerar”, polo menos así o dí todo un Ministerio do Medioambiente e do Medio Rural e Mariño, ¿Quén son eu…? Este ministerio acaba de evaluar favorablemente unha actuación promovida polo propio organismo, como non podería ser menos, “Juán Palomo yo me lo guiso yo …”
O Ministerio de Medio Ambiente y Medio Rural y Marino evaluou favorablemente o proxecto de rexeneración da praia de O Perdouro
Vese que non hai mellores formas de queimar os cartos de todos nos que en sepultar estes pequenos paraísos baixo toneladas de area e formigón, e me pregunto… ¿para qué?. Tanto interese existe en “construír” unha praia. ¿Non temos magníficas praias de abondo? ¿Interésalle a “dirección xeral de sostenibilidade da costa e do mar” ter unha leira-recheo máis? En qué nos vai beneficiar a todos nos e a esta Terra na que vivimos dita actuación? ¿Qué “riqueza” vai xerar?.
Iluso de mín, pensando que estas actuacións invasivas “porquesí” quedaran no pasado. Todo ten un porqué. Será que eu non o dou visualizado, seguro que vai quedar todo moi pero que moi “potito”, unha praiña con as súas escaleiras e todo.
Despois de vivir millóns de anos Perdouro morre. Somos todos un pouco máis pobres. Paisaxe rochoso multicolor, ourizos, cangrexos, camaróns, gusanos, nudibranquios, anémonas, corais, caramuxos, peixiños, liquens, lapas, algas e demáis seres vivos do intermareal… descansen en paz.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
