Viveiro, 20 de abril de 2019- A candidatura que presenta o BNG de Viveiro ás eleccións municipais do 26M, está composta por persoas formadas, capaces e activas que combinan experiencia, solvencia, xuventude e ilusións renovadas co cal a organización nacionalista pretende gañarse a confianza das súas veciñas e veciños e voltar co seu apoio, á corporación municipal cunha ampla representación para formar parte do proxecto de transformación que precisa o concello de Viveiro e para o cal o BNG, sinalou a candidata á alcaldía, Miriam Bermúdez, conta cun programa de goberno ambicioso e aberto, posto xa a disposición da veciñanza para a súa consulta, que permitirá convertir a Viveiro nun concello habitábel, saúdabel, seguro, inclusivo e sostible, onde as veciñas e veciños serán o eixe central no desenvolvemento das políticas municipais.
As candidatura do BNG de Viveiro está formada por persoas con amplitude de miras, de diferentes idades e experiencias e que a todas elas as une a preocupación por Viveiro e o compromiso adquirido para achegar toda a súa capacidade de traballo e esforzo por contribuír á mellorar o seu pobo. A continuación achégase a listaxe das persoas integrantes da candidatura nacionalista:
Candidatura BNG Municipais 2019:
1. Miriam Bermúdez García. 1988 Mestra de Educación Primaria. Vicerresponsable local do BNG e Candidata á alcaldía do Concello de Viveiro.
2. Severino Salgueiro Rodríguez. 1988 Enxeñeiro de Camiños, Canais e Portos.Responsable de infraestruturas no BNG de Viveiro.
3. Gloria Rouco Llanderrozas. 1967 Licenciada en CC Empresarais. Empregada pública da Admón Local. Responsable local do BNG.
4. Iván Pena Muras. 1989 Traballador de Alcoa.
5. Iria Cotelo Cociña . 1982 Técnico en coidados auxiliares de enfermería. Traballadora no Centro de día de Aspanane de Viveiro. Vencellada ao mundo do sindicalismo.
6. Xosé Luis Ramallal Rego. 1963 Lcdo. en Historia e Psicopedagoxía. Mestre no CEIP Plurilingüe Santa Rita de Galdo.
7. Xulia Canoura Díaz. 1956 Lcda. en Pedagoxía. Mestra xubilada. Membro da Plataforma SOS Praia Covas.
8. María Carballal Febreiro. 2000 estudanta de Filoloxía Galega. Vencellada ao activismo feminista.
9. Santiago López Chao. 1972 Capataz forestal xubilado. Deportista. Membro da asociacións deportivas Viveiro Enduro, Deporte&Trasplante e Peña Ciclista Lar.
10. María Simón Cundins. 1999 Estudanta de Educación Social. Vencellada ao activismo feminista.
11. Tania Monteagudo Bermúdez. 1999 Estudanta de Ciencias da Actividade Física e o Deporte.Vencellada ao activismo feminista.
12. Néstor Varela García.1956 Xubilado. Vencellado ao mundo do sindicalismo e do asociacionismo cultural e veciñal.
13. Carmén López García. 1973 Lcda en Físicas. Profesora de educación secundaria no IES Vilar Ponte.
14. Pilar Ferro Cerdeiras .1967 Modista.
15. Eva Eijo Vázquez. 1960 Traballadora en Alcoa. Vencellada ao mundo do sindicalismo.
16. Miguel Búa Fernández. 1994 Adestrador deportivo e estudante de psicoloxía.
17. César Naval Parapar. 1955 Xubilado. Ex-concelleiro de Comercio e Turismo. Vencellado ao asociacionismo deportivo.
18.- Sara Fernández Murados. 1983 Lcda. en Administración e Dirección de Empresas. Membro do BNG na emigración.
19. Xosé Antonio Goás Basanta. 1957 Traballador da Confraría de Pescadores de Celeiro. Ex-concelleiro de Deportes. Secretario do Clube de atletismo Egobarros.
20. Francisco Luis Rodríguez Guerreiro. 1953 Mestre xubilado. Ex-Tenente de Alcalde. Presidente da Asociación Cultural Pensamento e Sementeira.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
