Burela, 3 de maio de 2019. O salón de plenos do Concello acolleu este mediodía a presentación da XVIII Feira Monográfica Náutico-Pesqueira Expomar 2019. No acto interviñeron o xerente, José Manuel González, o alcalde e presidente da Fundación Expomar, Alfredo Llano, e o delegado territorial da Xunta en Lugo, José Manuel Balseiro. Tamén asistiron representantes de Absa e da confraría de pescadores de Burela, entre outros.
Llano subliñou que “este ano imos ter unha singularidade este ano como é a celebración do Consello Galego de Pesca, que é a primeira vez que sae de Santiago de Compostela. Polo tanto cremos que é unha oportunidade interesante que fagan en Burela a súa sesión plenaria, que saquen conclusións e que as dean a coñecer no mesmo recinto feiral”.
O rexedor e presidente da Fundación Expomar engadiu que “temos todo preparado na nave de redes para a celebración de Expomar 2019 do 9 ao 12 de maio. Ampliamos este ano 500 metros máis a superficie que ocupa o evento chegando aos 4.000 metros cadrados. Hai que subliñar que houbo moita demanda para participar na Feira Expomar, de Burela. Isto significa que o sector ten moito interese en participar nesta cita, que é unha das máis importantes que hai en todo o estado español. Así que temos que estar moi contentos de que isto sexa así”.
Na XVIII Feira Expomar haberá 140 stands, que representan a máis de 350 marcas.
Alfredo Llano dixo que “este evento é unha oportunidade para dar a coñecer o noso pobo, e é sempre un escaparate enorme onde se pode aproveitar para favorecer o turismo e a economía. A ocupación hoteleira eses días será do 100% no noso concello”.
O encargado de dar a coñecer o programa foi o xerente da Fundación Expomar, José Manuel González. A feira será inaugurada o 9 de maio ás 13:30 horas pola conselleira do Mar, Rosa Quintana, e o presidente da Deputación de Lugo, Darío Campos, será o encargado da clausura o 12 de maio ás 13:00 horas.
As XXVI Xornadas Técnicas darán comezo o día 9 ás 17:00 horas no salón de actos da confraría de pescadores. Ese día abordarase o ámbito social da pesca con varias poñentes e o día 10 estará dedicado á xestión pesqueira.
O XX Encontro Empresarial de Organizacións Pesqueiras será tamén o día 10 a partires das 10 da mañá na sala de xuntas de Absa. Esa xornada ás 12:30 horas será cando se celebre en Burela o Pleno do Consello Galego de Pesca.
E o 12 de maio, domingo, terá lugar un acto de recoñecemento público a Narciso González, “en agradecemento á labor realizada no nacemento e posterior desenvolvemento da Feira Expomar”, a Catalina Sánchez, “en agradecemento á labor realizada no desenvolvemento e crecemento da Fundación Expomar” e ao programa Vivir o Mar, da TVG, “en agradecemento ao traballo divulgativo das actividades marítimas e pesqueiras en Galicia”.
Todo está listo en Burela para a celebración da XVIII Feira Monográfica Náutico-Pesqueira Expomar 2019, que terá lugar do 9 ao 12 de maio na nave de redes
Relacionado
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
