Lugo, 9 de maio de 2019.- O Secretario Xeral do PSOE na Provincia de Lugo, Álvaro Santos Ramos, censurou este xoves que “o Conselleiro de Sanidade da Xunta de Galicia non acuda á reunión do Consello Interterritorial do Sistema nacional de saúde é unha actitude irresponsable, inadmisible e indigna. Irresponsable por renunciar a expor nos órganos competentes a situación do sistema sanitario galego. Inadmisible por poñer como escusa ao Goberno actual do PSOE cando foron os Gobernos do PP os que nos levaron ao colapso actual do sistema e están sendo os socialistas, precisamente, os que están traballando na procura de solucións. E indigna por aproveitar o contexto dunhas eleccións para tratar de confundir á cidadanía evadíndose da súa responsabilidade na situación caótica actual e inhibíndose da obriga de procurar alternativas que melloren o sistema sanitario que o PP precarizou”.
“Non é un plante á Ministra, é un desprezo máis aos galegos do PP. Mentres os lucenses seguimos con 23 médicos menos de atención primaria dende que goberna o Partido Popular, sen 2 consultorios, sen pediatras suficientes para atender aos nosos nenos, con veciños facendo centos de quilómetros para consultas, cirurxías ou tratamentos, ou agora, con menos persoal nas ambulancias medicalizadas que no resto de Galicia”.
“Dende o PSOE Provincial levamos anos alertando do risco de chegar á situación actual. O PP, no goberno do Estado e Galego, entre finais do 2011 e mediados do 2018, non abordou ningunha das eivas que agora o Conselleiro pretende achacar ao Goberno Socialista e empregar como escusa para utilizar politicamente a situación da que é máximo responsable xunto ao Presidente da Xunta. O señor Almuiña o único que pretende é evadir as súas responsabilidades e tratar de confundir aos cidadáns ante unha cita electoral na que ao PP se lle presenta un escenario político complicado, precisamente por desprezar á cidadanía, coma neste caso a todos os galegos o Conselleiro de Sanidade negándose a participar nos foros onde poñer en común solucións aos problemas provocados polo Partido Popular”.
O Goberno do PSOE busca solucións
Santos Ramos subliñou que “buscar unhas ratios eficientes para o conxunto do Estado, tratar de impulsar unha oferta pública de emprego organizada ou avanzar nos programas de atención domiciliaria, non se poden entender como negativos ou lesivos para os profesionais nin para os usuarios, se non como unha oportunidade de que cada autonomía e o Estado coordinen mellor os seus recursos para beneficiar aos profesionais e aos usuarios. E iso é o que está facendo o PSOE dende o Goberno do Estado”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
