Lugo, 10 de maio de 2019.- O pasado 29 de abril a Xunta publicou os pregos do concurso público para o servizo de transporte sanitario urxente. Nas condicións desta convocatoria se explica que: “as ambulancias deberán dispor dun condutor en posesión do título de formación profesional de TES e outro/a en funcións de axudante, coa mesma titulación, como mínimo”. Pero desta esixencia a propia convocatoria elimina ás ambulancias de soporte vital avanzado de Foz e Monforte, que só contarán cun TES. A raíz desta publicación as deputadas de En Marea, Paula Vázquez Verao e Eva Solla presentaron unha interpelación ao goberno sobre o por que desta exclusión para as comarcas luguesas.
Segundo explicou Paula Vázquez Verao “A Xunta do PP continúa menosprezando ás comarcas da provincia de Lugo; é un desprezo á cidadanía das comarcas da Mariña e do sur de Lugo o recorte en persoal técnico das ambulancias medicalizadas”.
A deputada de En Marea sinalou que esta falta de dotación era especialmente acusada para A Mariña, “no caso de Foz, é un recorte inxustificado, por ser esta zona unha das peores dotadas en transporte sanitario urxente de Galicia”.
En sentido similar, a deputada de En Marea sinalou que para Lemos que o servizo tardou en chegar para a comarca e que hai unha clamorosa falta de ambulancias para todo ese territorio: “No caso de Monforte, foi un escándalo a tardanza en dispoñer unha ambulancia medicalizada para o sur de Lugo, cando só hai unha ambulancia asistencial básica por quenda en cada unha das bases (Monforte, Chantada e Quiroga); a ambulancia medicalizada é necesaria e unha demanda histórica, pero o PP debe explicar por que a Xunta concede menos dereitos á cidadanía de Lemos, Chantada e Quiroga que as do resto de Galicia, dotando a ambulancia nova cunha soa praza de persoal técnico”.
Eva Solla, vicepresidenta do Parlamento de Galicia, e Paula Vázquez Verao preguntan ao goberno:
– Por que se recorta no servizo de ambulancia medicalizada en Foz?
– Por que a Xunta trata como cidadanía de segunda á poboación da Mariña, no que ten que ver con transporte sanitario urxente?
– Vai a Xunta rectificar a súa política de recortes no transporte sanitario urxente de Foz?
– Se vai haber un aumento do orzamento do transporte sanitario urxente para a Mariña nos vindeiros anos, por que se recorta en persoal?
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
