Viveiro, 15 de maio de 2019.- A Alcaldesa de Viveiro, María Loureiro, subliñou este mércores que “o candidato do PP debería prometer menos e pedirlles aos seus compañeiros na Xunta de Galicia que cumpran cos veciños de Viveiro, pois aínda estamos esperando pola VAC e o saneamento da ría. Parécenos ben que faga propostas que poidan mellorar o Concello, pero antes temos unhas prioridades que o Partido Popular non está atendendo. Porque nada se sabe do proxecto da Vía de Alta Capacidade da Costa Norte. Tamén se comprometeron a que a ría estaría saneada este ano e agora nos din que temos que agardar ata o 2021. O PP non fai nada por Viveiro e teñen a pouca vergonza de seguir intentando enganar aos veciños. Levamos 4 anos de mentiras nas que non trouxeron nin un só investimento e agora aseguran que farán mil cousas. A credibilidade do PP en Viveiro e na Mariña é nula, e os feitos o demostran”.
A Xunta non colabora para que o Conservatorio siga aberto
María Loureiro denunciou que o Partido Popular na Xunta de Galicia non colaborou co Concello de Viveiro para que o Conservatorio Profesional de Música de Viveiro siga en funcionamento. “Dende o Goberno Municipal pedímoslle ao goberno galego que nos axudara a financiar dito servizo, pois son 800.000 euros, unha cantidade moi importante, pero sempre se negou. É máis, ofreceunos a posibilidade de converter o Conservatorio en Escola de Música para rebaixar custes. Evidentemente negámonos porque para nós non é un gasto, é un investimento para unha prestación que ofrece servizo a máis de 80.000 veciños. É lamentable que tendo a Xunta as competencias en materia de educación non colabore. Pero o peor de todo e que agora, en eleccións municipais, propoñan unha colaboración a tres bandas, cando a Deputación e o Concello xa estamos destinando cartos para o Conservatorio. Os que non cumpren son eles. Unha vez máis”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
