Burela, 15 de maio de 2019.- O presidente e candidato do Partido Popular de Burela, Manuel Rouco, amosou a súa satisfacción tras confirmarse que a Feira do Bonito estea en disposición de acadar nun prazo breve de tempo o recoñecemento como cita de Interese Turístico Nacional e, todo iso, grazas ao apoio “moi valioso e imprescindible” do informe favorable que a Xunta de Galicia trasladará ao Ministerio de Turismo.
Así o explicou o presidente dos populares, Manuel Rouco, como valoración do anuncio efectuado polo delegado da Xunta en Lugo, José Manuel Balseiro, hoxe a preguntas dun medio de comunicación. Recentemente os populares mantiveron un encontro co propio delegado onde abordaron a situación deste expediente e os pasos pendentes a seguir para que unha das citas gastronómicas e culturais máis importantes da localidade obteña este importante recoñecemento.
Os populares lembran ademais que esta declaración contou tamén co respaldo do Pleno Municipal de Burela e do Parlamento de Galicia que, por unanimidade, aprobou unha iniciativa que o Grupo Popular e da que foi autor o hoxe delegado da Xunta.
Desde o Partido Popular tamén queren recoñecer, neste senso, o labor da Sociedade Cultural Ledicia, fundadora e organizadora da Festa do Bonito, pois “o Concello nunca sería capaz de mobilizar tantos voluntarios como move esta asociación burelá. Polo tanto, sen Ledicia non habería Festa do Bonito”.
Tampouco sería posible este evento sen a colaboración desinteresada de todos os veciños e veciñas que participan de forma totalmente altruísta e posibilitan que toda a loxística deste importantísimo evento se leve a cabo, como é o caso do traballo que desenvolve a Asociación dos Asadores de Burela.
Os populares fan memoria deste evento e recordan que para chegar á posible denominación de Festa de Interese Turístico Nacional houbo que dar un primeiro paso, o que se deu no ano 1999 cando dende o Concello, cun goberno municipal do Partido Popular, e contando sempre coa Asociación Ledicia, se recoñeceu á Festa do Bonito como de Interese Turístico Galego.
Desde o PP felicítanse por este paso que coincide co novo proxecto do PP en Burela quere instaurar: o de potenciar ao máximo nivel tódolos recursos turísticos do municipio
Rouco amosa a súa satisfacción tras coñecerse que a Feira do Bonito de Burela está a un paso de converterse en cita de interese turístico nacional
Relacionado
-
A Deputación pon en marcha un Centro de Innovación Territorial para promover o emprego na zona rural e fixar poboación
-
O PSdeG denuncia o abandono da estación de autobuses de Vilalba e reclama unha intervención inmediata da Xunta
-
O Consorcio Provincial de Incendios aborda coa representación sindical a súa estrutura administrativa e operativa
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
