OLYMPUS DIGITAL CAMERA
Burela, a 16 de maio de 2019.- A número dous da candidatura do Partido Popular que encabeza Manuel Rouco en Burela, Yovana Oroza, asegura que o gasto de manter en condicións o emisario submarino, que afecta directamente á praia de Portelo, “foi de cero euros en 2016, en 2017, en 2018 e no que levamos de 2019”. Esta circunstancia, lamenta a candidata, derivou na perda da bandeira azul da praia de Portelo para este ano 2019. Ademais, a popular engade que a política medioambiental foi “inexistente”.
Neste senso, Oroza aclara que foi o propio Llano, quen nun escrito dirixido ao Grupo Municipal Popular “comunica ese gasto cero no emisario nos anos indicados”. Foi en resposta a unha solicitude de información por parte dos populares.
Yovana Oroza lembra que “o mantemento do emisario é competencia do Concello”. Recorda que o goberno municipal do PP, “cando recuperou o Goberno en 2011, tivo que gastar 30.000 euros para emendar as deficiencias que se tiñan detectado no emisario e que o bipartito municipal non solucionara”. Esta circunstancia facía perigar a bandeira azul da praia de Portelo e mesmo obrigou a pechala temporalmente no verán de 2010.
Deste modo, a número dous da candidatura expón que “a perda da bandeira azul da praia de Portelo reflexa que a política turística de Alfredo Llano nestes catro anos quedou reducida a gastos en FITUR de 700 euros ao ano e outros tantos por parte de Fernández Rey”.
Compromiso do PP
Yovana Oroza comprométese a que “tal e como afirmou o noso candidato á alcaldía no seu día, se acadamos o Goberno municipal, afrontaremos unha política medioambiental dirixida a poñer a Burela á cabeceira das iniciativas pola sustentabilidade, coma xa fixeron gobernos populares hai anos”. Baséase na elaboración dun plan estratéxico que “nos permita definir, a partir dos traballos feitos no seu momento polo Goberno municipal do PP en materia de Axenda 21, obxectivos de calidade ambiental, medios para acadalos e implicación da administración local e da cidadanía”, precisa.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
