Lourenzá, 22 de maio de 2019. A candidata do PSOE á alcaldía de Lourenzá e actual rexedora do municipio, Rocío López, subliñou que “afrontamos con máis ilusión, se cabe, que hai catro anos, cando chegamos á alcaldía, o desafío de seguir mellorando a calidade de vida dos nosos veciños, coa renovación de infraestruturas e dotacións públicas que o PP deixara obsoletas, e incrementando os servizos sociais”. Díxoo no mitin celebrado este mércores no que tamén participaron o Presidente da Deputación, Darío Campos Conde, e o Exdeputado do PSOE no Parlamento Galego, Ismael Rego.
López lembrou que “no 2015 acadamos un compromiso con todos os laurentinos para deixar atrás a etapa de crise económica a que sumiu o PP ao noso Concello e avanzar cara un novo tempo de estabilidade e transparencia na xestión pública. Nestes anos, e pesares das dificultades, levamos a cabo importantes melloras nas parroquias como os alumeados, os accesos, as estradas… que co PP estaban totalmente abandonadas, pero aínda nos quedan moitas cousas por facer”.
Entre os novos proxectos que o PSOE de Lourenzá se compromete a levar a cabo na vindeira lexislatura destacan: a construción dun campo de herba artificial en Santa Cruz; a realización dun estudio para a dotación de pistas de atletismo en Recemil, con acceso directo dende a estrada nacional; a remodelación integral da estrada da “ruta do colesterol”, con aglomerado en quente e construción de beirarrúas para os peóns en todo o seu percorrido; a creación dunha área para autocaravanas; a ampliación e mellora do depósito de augas de Soutelo; ou a construción de novos puntos de abastecemento de augas nas parroquias.
Mellora de servizos e infraestruturas
Os socialistas presentan un programa centrado na mellora de servizos públicos municipais e infraestruturas como o pavillón municipal; ampliación e mellora das redes de alumeado público e instalación de luminarias de led para un maior aforro enerxético en todas as parroquias; continuar mellorando as beirarrúas en todas as vías municipais; seguir rehabilitando a rede de estradas municipais con aglomerado en quente en todas as parroquias; mellora das instalacións do ximnasio e xestión do mesmo con persoal municipal; reforma das instalacións da Casa da Xuventude e habilitación de locais para as actividades das distintas asociacións; instalación dun punto de recarga para coches eléctricos; solicitar a administración autonómica melloras no CEIP Juan Rey; ampliación do servizo de Axuda no Fogar, ou a posta en marcha de programas de loita contra a pobreza e a exclusión social.
Promoción do turismo e a cultura
Ademais, o PSOE de Lourenzá comprométese a promover a rehabilitación do Mosteiro de San Salvador coa finalidade de darlle unha utilidade pública: residencia de maiores, auditorio, albergue… así como a remodelación do Campo dos Bolos; promoción do Camiño Norte ao seu paso por Lourenzá; creación dunha escola municipal de teatro; seguir impulsando programas de envellecemento activo nas parroquias; escolas de verán e de nadal para os nenos; ampliar a gratuidade dos libros de texto a toda a Educación Primaria; ou solicitar da Real Academia Galega que o día das Letras Galegas do ano 2021 se lle dedique a Don Francisco Fernández del Riego, ao cumprirse a finais do próximo ano os dez anos do seu pasamento.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
