Burela, 23 de maio de 2019. Burela acollerá a celebración do I All Star Fútbol In Lugo, que terá lugar o 29 de xuño. A organización convida a asistir a siareiros, xogadores e equipos directivos dos clubs de fútbol de toda a provincia a esta xornada de festa e convivencia. Ademais haberá dous partidos de fútbol, feminino e masculino, e renderase unha homenaxe a aqueles xogadores que esta tempada deciden deixar a práctica deste deporte.
Na presentación do evento, celebrada este mediodía, o concelleiro de Deportes en Burela, Ramiro Fernández Rey, dixo que “como concelleiro de Deportes estamos encantados e agradecemos que contaran con nosoutros para a celebración deste torneo All Star. Eu penso que é unha iniciativa positiva. Desde o Concello levamos toda esta lexislatura apostando por este tipo de eventos que ademais do tema deportivo, que é importantísimo xa que nosoutros estamos volcados co deporte, tamén é un atractivo turístico máis. Creo que ese día imos ter aquí a moita xente en Burela e penso que se van aproveitar tamén diso os hostaleiros e os comerciantes da nosa vila. Esta iniciativa é moi boa e creo que debería ter o apoio como o está tendo por parte do Concello”. E engadiu: “felicidades pola iniciativa e agradecer a Ares da Sociedade Deportiva Burela, que estivo aí desde o primeiro momento para axudar a sacar adiante este evento que esperemos que sexa un éxito. Animar a todo o mundo a que veña a Burela a disfrutar non só do deporte senón que teñen unha praia marabillosa, que é a da Marosa, que estou seguro que o 29 de xuño van poder aproveitar para darse un chapuzón”.
O alcalde burelés, Alfredo Llano, salientou que “en Burela é unha constante ter eventos deportivos que sexan singulares e motivadores. Imos ter a final da Copa da Raíña de fútbol sala feminino e procuramos ter actividades que sexan moi atractivas para os rapaces como campionatos a través de Indecum e en xuño van vir uns 700 chavales a un campionato de fútbol sala en diferentes categorías. Polo tanto, este evento que anunciamos agora ven culminar un proceso e unha característica do Concello de Burela que é apoiar o deporte en todas as súas manifestacións. Temos a preocupación de ter as instalacións deportivas ao cen por cen. Por iso penso que somos referencia porque recibimos ben e hai unha resposta moi boa de toda a xente de Burela á que lle gusta o deporte. Este torneo do 29 de xuño vai ser un elemento extraordinario para que o deporte sexa un referente social, económico e cultural. Nosoutros imos apoialo e está moi xustificado que o Concello estea aí. Queremos dar as grazas a toda a xente que dalgunha maneira colabora e engrandece o evento, e nosoutros aí estaremos para participar tamén dentro das nosas posibilidades”.
Iván Calaza, de Fútbol In Lugo, comentou que “é a primeira vez que facemos o All Star Fútbol In Lugo e queremos manifestar o noso agradecemento ao Concello de Burela por contar con nós desde o primeiro momento. Para pechar a tempada queremos que sexa un evento de convivencia e de festa do fútbol lucense. Remata a tempada os días 18 e 19 e queremos xuntar a maior parte de siareiros de toda a provincia, de xogadores, de equipos, de directivos e demais. Ese día teremos, como pratos fortes, dous partidos de fútbol feminino e masculino cunha selección de xogadores da provincia. O partido de fútbol feminino temos a idea de contar con 32 xogadoras cunha representación de todos os equipos da provincia. Actualmente son oito e a idea é facer un partido sección norte contra sección sur. Como queda algo descompensado ao ter na sección norte só o Burela lle engadiríamos xogadoras dos equipos da Milagrosa e a Comercial, que se enfrontarían a unha sección sur formada por xogadoras dos equipos de Antas, Carballedo e Chantada. Quedaríanos o Friol, que neste momento é o máximo expoñente do fútbol feminino da provincia pola categoría na que está, e as súas xogadoras se intercalarán nos dous equipos en función da súa procedencia”.
Calaza seguiu a relatar que “no partido de fútbol masculino de categoría senior estarán por un lado xogadores de equipos de Primeira e Segunda Rexional e por outro xogadores de equipos de Preferente e Terceira Rexional para intentar compensar un pouco. Selecciónanse aqueles xogadores que recibiron maior puntuación a través da nosa web. Ademais temos a idea de facer uns concursos e tamén faremos unha homenaxe a algúns xogadores que xa se sabe que esta tempada van colgar as botas despois dunha traxectoria contrastada, e a unha persoa moi especial para nós que faleceu este ano, que é Xosé Anxo Varela Canti e que amaba moito o fútbol lucense”.
No acto de presentación do All Star Burela 2019 participou tamén o presidente da SD Burela, Jesús Manuel Ares.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
