Ribadeo 31-5-19. Desde En Marea Ribadeo felicitamos ás formacións políticas que acadaron representación no Concello tralas eleccións do pasado domingo, e agradecemos á súa participación a cantas persoas concorreron ás mesmas nesas e nas restantes listas. Sentimos que, estando asumido o dereito de ir votar a quen queiramos, aínda é preciso máis exercicio para normalizar en Ribadeo o dereito de sufraxio pasivo; presentarse ás eleccións ou apoiar públicamente unha lista non debera considerarse xa cousa de valentes ou de tolos, como aínda sinte boa parte da nosa veciñanza.
Agradecemos tamén moi especialmente ás 244 persoas que nos votaron por darnos a súa confianza para ser o axente que defendera na corporación os seus intereses e demandas, impulsando un programa de transformación e diversificación da economía local cara á sustentabilidade económica, social e ambiental de Ribadeo.
Finalmente, entendemos que o feito de non ter acadada representación pola nosa parte non significa que o pobo de Ribadeo no desexa a diversificación do modelo económico -que é inevitable-, senón a falla de coñecemento da nosa proposta e de confianza na nosa capacidade para desenvolver ese programa, que achacamos en parte á crise que vive a esquerda alternativa, pero sobre todo á demora na nosa posta en marcha.
Consecuentemente imos traballar desde hoxe no peche desa fenda, achegándonos máis a toda a veciñanza, sectores económicos e asociacións, e ofrecendo a nosa colaboración á corporación e o equipo de goberno. Tamén achegando ó debate público propostas para mellorar a vida das ribadenses na liña dos nosos principios de solidariedade e xustiza social, defensa do público e do patrimonio histórico e natural, sustentabilidade, igualdade e laicidade.
En Marea Ribadeo.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
