LUGO .- A Deputación invisteu 287.680 euros na adquisición de 1.000 toneladas de emulsión asfáltica que serán empregadas polas máquinas do Parque Móbil para o arranxo, mantemento e limpeza de vías municipais durante todo o ano.
Nota e Prensa
A Deputación adquire 1.000 toneladas de emulsión asfáltica para a mellora de vías municipais
– O organismo provincial inviste preto de 300.000 euros na adquisición deste material que será empregado polas máquinas do Parque Móbil para o arranxo, mantemento e limpezas de vías municipais
– Antonio Gato subliña que “a Deputación aforra cartos ós Concellos, xa que asume os custes que suporían a contratación deste servizo que se enmarca dentro da aposta pola cooperación cos Concellos da provincia”
– Dende 2007 a institución provincial triplicou o orzamento do Parque Móbil co obxectivo de aumentar a cooperación coas entidades locais, e que este ano ascende a 3,2 millóns de euros
A Xunta de Goberno da Deputación aprobou este venres o expedente de contratación da subministración de combustibles e de emulsión asfáltica para o Parque Móvil provincial. En total, estas dúas actuacións suman 605.123 euros. Desta cantidade, 287.680 euros, destinaranse á adquisición de 1.000 toneladas de emulsión asfáltica que serán empregadas polas máquinas do Parque Móbil para o arranxo, mantemento e limpeza de vías municipais durante todo o ano.
O voceiro provincial socialista, Antonio Gato Soengas, subliñou que “esta non é unha actuación nas vías provinciais, senón que é unha cooperación cos Concellos. Practicamente todos teñen problemas no mantemento das súas vías, pero sobre todos nas do rural. Contrasta esta situación coa que atopamos cando chegamos ó goberno, porque cando estaba o Partido Popular o Parque Móbil era inexistente e non tina actividade nin material para acometer estas obras de cooperación”.
Neste senso, lembrou que a Deputación incrementa en máis dun 20% con respecto o ano pasado o presuposto adicado ó Parque Móbil para 2010 co obxetivo de ampliar os servizos ós Concellos. Deste xeito, o orzamento increméntase uns 600.000 euros, e chega ata ós 3.200.000. Dende 2007, a institución provincial triplicou o orzamento do Parque Móbil para adquirir maquinaria que realice traballos de nivelación, refino, apertura e limpeza de cunetas, cortes de taúdes, mantemento de pistas, limpeza de escombreiras e bordes de terrapléns, nas estradas de titularidade municipal.
“Con esta liña de cooperación, a Deputación aforra cartos e importantes recursos ós Concellos, xa que asume os costes que suporían a contratación deste servizo, e que se enmarca dentro da aposta do organismo provincial pola cooperación cos Concellos. Disto poden dar fé os Alcaldes da provincia”, apuntou Gato Soengas.
Nestes momentos, as máquinas do Parque Móbil están en Foz, Triacastela, Samos, Ferreira de Pantón e o Valadouro. “Son Concellos de distinta cor política, cousa que antes non se facía”.
Na Xunta de Goberno tamén se aprobaron 6 contas xustificativas do Plan de Comunidades Veciñais de 2009. Suman 68.874 euros e a Deputación subvenciona 36.901 euros. Corresponden ós Concellos de Pantón (2), Ribeira de Piquín, Vilalba, Fonsagrada, e Triacastela.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
