Alguén me dixo hai pouco que o Partido Popular de Xove ten secuestrada a vontade de moita xente. Ou directamente comprada. Ducias de votos de persoas de ben, con boas intencións, das que adoitan abusar os cargos públicos carentes de escrúpulos. Unha veciñanza enganada por intereses espurios e comenencias persoais dalgúns políticos.
E todo isto por que? Porque un día decidiron achegarse á Casa do Concello (seica é a casa de todos) para entregar o currículo ou directamente pedir traballo, xa sexa en Alcoa ou en calquera outra empresa radicada no municipio. Un xesto lexítimo para atopar un emprego digno que sempre é contestado da mesma maneira: «A ver que podo facer». A frase máxica que non di que si, pero tampouco di que non. Unha trampa máis que fai gañar os votiños que deciden as maiorías na noite electoral. E aquela frase ás voltas, analizada polas familias enganadas, resoando unha e outra vez nas súas cabeciñas: «A ver que podo facer».
«Que querería dicir? Terei posibilidades? Cando me chamarán?» Pensamentos roubados e votos secuestrados. Ou viceversa. Pero alí, no caixón onde se amorean os currículos, quedan as esperanzas da rapazada agardando polo día das eleccións. Esquecidos nun despacho aberto as vinte e catro horas (disque). Xogando coas ilusións e cos medos. Aproveitándose, nunha palabra.
O certo é que dende algunhas instancias pódense facilitar entrevistas ou contratos temporais, pero isto tamén acontece noutros moitos ámbitos e non se lle dá tanto bombo. Por iso faise necesario lembrar que quen traballa en Alcoa é por méritos propios. Se vales, vales, e se non vales, non vales. Nin con recomendación, nin sen ela. Por moito que nos queiran vender milongas, se non das o callo, arreas!
Así que votos roubados haberá, non digo eu que non. Pero favores… Favor ningún!
Carlos Fernández Louzao. Concelleiro do grupo municipal BNG Xove
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
