Burela, 8 de xuño de 2019. O portavoz en funcións do BNG Mario Pillado afirmou que Burela está sen pavillón polo pasotismo do Sr. Llano que botou catro anos anunciando novas instalacións deportivas sen que chegase sequera a iniciar as xestións oportunas. “O Sr. Llano foi incapaz de cumprir os acordos acadados por unanimidade do pleno, a instancias dunha moción presentada polo BNG, polos que o Concello se comprometía a redactar o proxecto construtivo e adquirir os terreos para o novo pavillón. Agora di que vai reformar Vista Alegre e que xa tiña o visto bo da LNFS e resulta que temos que saber polos medios que o Burela FS masculino terá que xogar en Viveiro os encontros televisados. É unha falta total de respecto hacia a afección e hacia o conxunto dos veciños e veciñas de Burela”, engadiu Pillado.
Desde a formación nacionalista adiantan que non van ser apéndice de ninguén no futuro goberno e que se deben ás persoas que apostaron polo BNG en Burela.
O portavoz nacionalista lémbralle ao Sr. Llano que aínda que o PSOE acadou a maioría nas pasadas eleccións, os veciños e veciñas lle deron un pequeno tirón de orellas e deixaron claro que non queren unha nova maioría absoluta do PSOE durante os próximos catro anos en Burela. “Burela falou claro o pasado 26 de maio e outorgou ao BNG unha maior representación no Concello, pasando de dous a tres concelleiros en detrimento do PSOE, co que iso significa. Os veciños quixeron que o BNG pasase de ser oposición a situalo con opcións de asumir responsabilidades no futuro goberno municipal”, salientou Pillado.
A perda dun concelleiro e da conseguinte maioría absoluta por parte do PSOE, obriga ao futuro goberno a buscar o consenso e acordos para gobernar. Nese sentido, desde o BNG adiantaron que non van dar un cheque en branco ao PSOE se opta por gobernar en solitario. “Nós debémonos ao interese xeral de Burela e aos nosos votantes e nese sentido imos pór enriba da mesa unha serie de asuntos prioritarios para os próximos catro anos, entre eles tamén a construción do novo pavillón polideportivo. Consideramos que no pasado mandato quedaron moitas cousas por facer e iso non se pode voltar repetir”, indicaron desde a formación nacionalista.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
