LUGO .- A rede museísitica provincial, dependente da área de Cultura da Deputación, que dirixe o nacionalista Antonio Veiga, vai acoller a actividade que leva por título “Follas Novas, Novas Follas” destinada á poboación escolar con motivo da celebración do 125 aniversario do pasamento da escritora galega por antonomasia, Rosalía de Castro.
Nota de Prensa
A ÁREA DE CULTURA DA DEPUTACIÓN LEMBRA O 125 ANIVERSARIO DO PASAMENTO DE ROSALÍA CON ACTIVIDADES EN TODA A REDE MUSEÍSTICA
Antonio Veiga indicou que se pretende “impulsar entre os nenos e nenas o coñecemento das nosas letras e do no noso idioma, tan atacado nos últimos tempos”
Veiga explicou que “conflúen para poñerse en valor elementos tan identitarios de Galiza coma o idioma, a nosa literatura, incluso algo tan simbólico e característico do noso país como a folla de carballo ou a emigración”
LUGO, 12 de marzo de 2010. O delegado da Área de Cultura e Deportes da Deputación de Lugo, o nacionalista Antonio Veiga, informou hoxe no transcurso da rolda de prensa posterior á Xunta de Goberno, fóra dos asuntos da orde do día, de que a Rede Museísitica Provincial, dependente da Área de Cultura da Deputación, vai acoller a actividade que leva por título “Follas Novas, Novas Follas” destinada á poboación escolar con motivo da celebración do 125 aniversario do pasamento da escritora galega por antonomasia, Rosalía de Castro.
Segundo explicou Veiga, esta actividade vaise desenvolver nos museos de San Paio de Narla, do Pazo de Tor e o Museo do Mar de San Cibrao, en colaboración cos diferentes centros de ensinanza de cada comarca. A actividade “Follas novas, novas follas” diríxese ao alumnado das materias de plástica e galego dos diferentes colexios e consiste en que nunha folla de papel, que simula na súa forma unha folla de carballo e leva inscrito diferentes versos do poemario “Follas Novas” de Rosalía, cada neno e nena escriba na parte de atrás desta folla a súa visión particular e reflexións sobre a emigración. Neste punto, a actividade desenvólvese en colaboración coa Casa Museo de Rosalía e coa Biblioteca Nacional de Bos Aires, xa que, ademais de expoñerse os traballos dos nenos e nenas en cada un dos museos da Rede Museística Provincial (en San Paio de Narla o 21 de marzo, no Pazo de Tor o 19 marzo e no Museo do Mar de San Cibrao o 20 de marzo), os traballos dos nenos e nenas lucenses mostraranse no Museo de Rosalía o 23 de abril. Ademais, Antonio Veiga indicou que ao mesmo tempo, na Biblioteca Nacional de Bos Aires, a artista lucense Luz Darriba iría creando unha instalación coas follas que nenas e nenos a través desta actividade foron levando aos diferentes museos da Rede Museística Provincial.
Veiga explicou que “conflúen para poñerse en valor elementos tan identitarios da Galiza coma o idioma, a nosa literatura, incluso algo tan simbólico e característico do noso país como a folla de carballo ou a emigración”.
Asuntos do día
Dentro dos asuntos do día da Xunta de Goberno, o delegado da Área de Cultura e Deportes da Deputación de Lugo, Antonio Veiga, deu conta da aprobación e concesión de subvencións a asociacións culturais e deportivas e concellos pola realización de actividades en 2008 e tamén doutras anualidades, que se achegan aos 10.000 euros en total, cantidade que se vai liberar e axudas que van ser concedidas en función da súa correcta realización e xustificación. Antonio Veiga expuxo que recibirán a subvención correspondente de 2008 pola realización de actividades deportivas catro asociacións e clubs por un importe de 8.336,83 euros e un concello, por un importe de 3.411,76 euros.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Ao acto, que tivo lugar diante da sede da institución provincial, asistiron deputados e deputadas, membros da corporación provincial e empregados públicos, que gardaron un minuto de silencio como mostra de respecto e solidariedade coas persoas afectadas pola catástrofe. A Deputación quixo así unirse ao chamamento realizado pola FEMP en toda a España, expresando o seu apoio ao pobo venezolano nestes momentos de especial dificultade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
