Lugo, 11 de xuño de 2019.- A subdelegada do Goberno, Isabel Rodríguez, pediu hoxe unha maior implicación social na loita contra a violencia machista, xa que “non caben a indiferenza ou a pasividades, a única resposta digna contra esta lacra é a protección da vítima e a denuncia contra o agresor” e destacou que actualmente o sistema VIOGEN de seguimento das vítimas ten 478 casos activos na provincia de Lugo, 2 deles de risco alto.
A subdelegada deu estes datos na presentación do estudo “O impacto da violencia de xénero en España: unha avaliación dos seus custes en 2016”, elaborado pola Delegación do Goberno para a Violencia de Xénero, que correu a cargo da responsable da área de Igualdade e a xefa da Unidade de Violencia de Xénero da Delegación do Goberno en Galicia, María Debén e Enmanuela Díaz, respectivamente. Ao acto asistiron a alcaldesa de Lugo e os rexedores municipais de Monforte e Xermade, así como representantes da Xunta e a Deputación, o presidente e o fiscal xefe da Audiencia Provincial, o coronel xefe da Garda Civil e o comisario xefe da provincia, entre outras autoridades, así como representantes de distintos colectivos sociais e entidades cidadás.
Isabel Rodríguez manifestou que “este é un dos problemas máis graves ao que lle temos que facer fronte, como reflicten as estatísticas da Delegación do Goberno para a Violencia de Xénero” e informou de que nos catro primeiros meses do ano, a Garda Civil e a Policía Nacional rexistraron na nosa provincia 104 denuncias por violencia de xénero. Ademais, a 30 de abril había 34 usuarias activas do sistema de protección ATENPRO e 4 dispositivos electrónicos de seguimento operativos. E, entre xaneiro e marzo, 90 mulleres lucenses vítimas de violencia de xénero eran perceptoras dunha renda activa de inserción.
“Todos estes datos, referidos só a provincia de Lugo, retratan a impresionante dimensión dun fenómeno ao que toda a sociedade lle debe plantar cara”, indicou a subdelegada. Por iso, explicou, “o Goberno de Pedro Sánchez deulle prioridade absoluta” e nestes meses, ademais de devolverlle as competencias aos concellos, “fomentamos a súa implicación nesta loita e logramos, en menos dun ano, a creación de 3 novas Mesas locais de coordinación noutros tantos concellos e avanzamos con outros 5 concellos para que as súas policías locais axuden a dar protección ás vítimas”.
O CUSTE ECONÓMICO
Pola súa parte, a responsable de Igualdade e a xefa da Unidade de Violencia de Xénero da Delegación do Goberno destacaron os abrumadores datos que pon de manifesto o estudo do impacto da violencia de xénero en España, que cifra en ata 8.540 millóns de euros o custe da violencia machista para a sociedade. No apartado de custe intanxible, o estudo indica que pode chegar a outros 14.800 millóns de euros, na estimación menos conservadora.
“Estamos falando dunha cantidade total aproximada duns 23.000 millóns de euros ao ano, é dicir que a cada español a violencia de xénero suponlle un custe anual de 499 euros”, remarcou María Debén e explicou que o gasto anual que se calcula para a provincia de Lugo é de 165.617millóns de euros.
A Unión Europea estima, como promedio, nun 0,8 por cento do Produto Interior Bruto o custe da violencia de xénero en cada estado do continente.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
