Foz, 15 de xuño de 2019.- O socialista, Fran Cajoto, tomou posesión este sábado como novo Alcalde de Foz. Fíxoo tras o resultado nas Eleccións Municipais no que o PSOE foi a forza máis votada, con 2.304 sufraxios, pasando de 3 a 7 Concelleiros no Pleno da Corporación Municipal.
Fran Cajoto agradeceu a confianza dos cidadáns para facer que “o cambio en Foz se fixera realidade, liderado pola esquerda progresista. Hoxe, acabamos con 8 anos de desgoberno e infelicidade en Foz. Comeza unha nova época. Agárdanos un futuro espléndido que temos que construír entre todos os focegos. Traballaremos arreo por todos e cada un dos veciños de Foz”. Cajoto agradeceu ao BNG o seu apoio para ser investido Alcalde.
“Ninguén sobra no proxecto socialista. Queremos que os veciños de Foz sumen e achéguennos as súas inquedanzas para conseguir un Concello máis accesible e plural, dignificando, deste xeito, a política. Imos contar cos diferentes sectores, axentes económicos e sociais do municipio para implicalos nos proxectos do cambio”.
“Dende o Partido Socialista haberá sempre diálogo co resto de formacións políticas, ás que escoitaremos para tentar acadar o máximo consenso nos asuntos importantes que atinxen aos cidadáns.”
O novo Alcalde puxo en valor todo o traballo feito polos militantes e os compañeiros da agrupación durante a campaña e destacou que “acompáñanme un grupo de persoas comprometidas e con ganas de transformar a realidade tomando decisións a favor dos focenses”. Os 6 Concelleiros do PSOE que integran o equipo de Goberno de Fran Cajoto son Héctor Moris Fernández, Acela Verónica Peña Castiñeira, Ana Matea Rojo Eijo, José María Linares Rodríguez, Inés López Couto e Carlos García Rodríguez.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
