Lugo, 24 de xuño de 2019. Aberto o prazo para inscribirse nas actividades de verán que organiza a Deputación na Rede Museística Provincial. Trátase de actividades dirixidas a máis de 180 rapaces de entre 4 e 12 anos, alónganse desde o 1 de xullo ata o 30 de agosto. As actividades son totalmente de balde, o prazo para anotarse remata o día 26 de xuño no Museo Provincial e o día 27 no Museos do Mar, no Museo Fortaleza San Paio de Narla e no Museo Pazo de Tor. Para formalizar a inscrición é necesario presentar un formulario específico dispoñible nos Departamentos de Didáctica de cada sede museística.
Neste verán, a programación da Rede Museística cambia o formato da oferta, pero non a filosofía que move as actividades: os rapaces vivirán unha experiencia lúdica na que coñecerán e crearán a partir das ciencias, as artes ou a arqueolóxica, tendo en conta sempre a igualdade, a interdisciplinariedade e a sostibilidade. A programación, estará impartida por profesionais da Rede e nun espazo con importante valor histórico.
Club Sénior e Actividades con colectivos
Todas as sedes da Rede Museística da Deputación contarán tamén co obradoiro Álbum de Memoria no que os maiores traballarán as súas lembranzas a partir dunha selección de obxectos de cada Museo, usando a psicoestimulación cognitiva e a técnica da reminiscencia, tratando de establecer pontes entre o pasado e o presente.
Ademais, durante todo o verán, nas catro sedes realizaranse actividades con diferentes colectivos, entre as que destaca a colaboración Escénicas en Rede con varias asociacións ou a obra de teatro Vida Cómica, interpretada pola Compañía de Teatro IMPROvabilidades composta por persoas usuarias do centro COGAMI-Lugo.
Programación
Museo Provincial do Mar:
Campamento: (20 prazas en cada quenda)
1ª quenda: do 2 ao 5 de xullo, e do 30 de xullo ao 2 de agosto.
2ª quenda: do 19 ao 23 de agosto.
Álbum de Memoria:
Datas: 9, 16 e 23 de xullo. De 17:00 a 19:00 horas.
Escénicas en Rede: En colaboración con varios colectivos.
Data: 4 de xullo. De 11:00 a 14:00 horas.
Museo Fortaleza San Paio de Narla:
Campamento: (20 prazas en cada quenda)
1ª quenda: do 9 ao 13 de xullo.
2ª quenda: do 20 ao 24 de agosto.
Álbum de Memoria:
Data: 6 de agosto. De 17:00 a 19:00 horas.
Escénicas en Rede: En colaboración con varios colectivos.
Data: 8 de agosto. De 12:00 a 14:00 horas.
Museo Pazo de Tor:
Campamento: (12 prazas en cada quenda)
1ª quenda: do 9 ao 12 de xullo.
2ª quenda: do 27 ao 30 de agosto.
Álbum de Memoria:
Data: 13 de agosto. De 11:00 a 13:00 horas.
Escénicas en Rede: En colaboración con varios colectivos.
Data: 7 de agosto. De 11:00 a 13:00 horas
Todos os camiños levan a Tor:
Actividade para membros do Club Ei! e mozos interesados en coñecer os os fondos do Museo Pazo de Tor, e apoiar eclaración da Ribeira Sacra como Patrimonio da Humanidade.
Museo Provincial de Lugo:
Campamento: (20 prazas en cada quenda)
1ª quenda: do 1 ao 5 de xullo.
2ª quenda: do 8 ao 12 de xullo.
3ª quenda: do 19 ao 23 de agosto.
4ª quenda: do 26 ao 30 de agosto.
Álbum de Memoria:
Data: 8 e 9 de xullo. De 18:00 a 20:00 horas.
Vida Cómica: Obra de teatro interpretada pola Compañía de Teatro IMPROvabilidades composta por persoas usuarias do centro COGAMI-Lugo.
Data: 25 de xuño, ás 12:00 horas.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
