Burela a 1 de xullo de 2019. CIG Saúde A Mariña denuncia que o Hospital da Mariña queda dende hoxe sen a única Traballadora Social durante dous meses, en concreto durante os meses de xullo e agosto ao non cubrir o SERGAS a súa ausencia, a pesares de existir persoas dispoñibles nas listas de contratación (autonómicas) para cubrir esta categoría profesional.
PROFESIONAIS CUN PAPEL ESENCIAL E IMPRESCINDIBLE.
Para CIG Saúde a traballadora social leva adiante un labor importante é fundamental no ámbito sanitario para as persoas e a sociedade, labor moitas veces pouco coñecido e valorado.
O papel das traballadoras sociais, advirten, van moi alén da burocracia. “Son as xestoras dos casos sociosanitarios complexos” e o seu papel é o de “dar resposta a toda a problemática dos colectivos de maior vulnerabilidade”, explican. Por exemplo, estas profesionais fanse cargo “das persoas en situación de abandono nos hospitais” ou das que dan en “situación de desprotección con grave risco para a súa integridade” física ou psíquica. Nestas situacións o papel destas traballadoras é tamén exercer de ponte coa Consellería de Traballo Social nun contexto no que, lembran, “de crecemento exponencial dos casos de emerxencia social nos últimos anos”.
Sería moi extenso mencionar todo o que fai un traballador social nun hospital, explican, pero algunhas das súas funcións destacadas son:
-Detectar problemas socioeconómicos nos pacientes ingresados.
-Realizar estudos socioeconómicos cando sexa necesario.
-Detectar a problemática do pacientes chegados a urxencias a nivel social.
-Procura de recursos ao alta e coordinación con servizos sociais de zona.
-Apoio ás familias dos ingresados en cuestións como a nova situación do paciente ou o asesoramento sobre os recursos e axudas que poden xestionar en relación a cuestións como a lei de dependencia, os trámites para solicitar a situación legal de discapacidade, incapacidade laboral e outros.
POÑER EN VALOR O SEU TRABALLO.
“Os traballadores e traballadoras sociais desempeñan un papel esencial e imprescindible e cumpre poñer en valor o seu traballo”, explican desde CIG Saúde A Mariña.
“Esta decisión do SERGAS de non cubrir a súa ausencia amosa por unha parte o desleixo cara a atención sociosanitaria na Mariña e o nulo recoñecemento por parte da administración ao traballo que desenrolan nas equipas multidisciplinares tanto de Atención Primaria como de Atención Especializada”, afirma o sindicato nacionalista.
“É prioritario que a administración sanitaria asuma o seu papel esencial e imprescindible e que incremente a dotación de traballadoras/es sociais no noso hospital (mínimo dúas profesionais), nos Centros de Saúde, e tamén na USM (Unidade de Saúde Mental) e COF (Centro de Orientación Familiar) que non dispoñen destes profesionais como noutras áreas e distritos sanitarios da sanidade pública galega, volvendo a deixar en evidencia que para o PP a cidadanía da Mariña segue a ser de segunda, desta volta desde o punto de vista do traballo social”, conclúen.
Para rematar, a central nacionalista demanda ao SERGAS como medidas urxentes e a curto prazo para mellorar o traballo social na Mariña:
1.- Revisión de ratios e dotación de traballadores sociais na Atención Primaria. Ratios dun traballador/a social por centro de saúde.
2.- Dotación de profesionais en saúde mental e centro de orientación familiar.
3.- Revisión de ratios e dotación de traballo social na atención hospitalaria.
4.- Incluír a figura do traballo social nos equipos de valoración de atención temperá.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
