Viveiro, 15 de xullo, 2019. O Grupo Municipal do Partido Popular de Viveiro vén de dirixir un rogo á alcaldesa socialista a través do que pide ao Concello que actúe coa maior rapidez posible na vías municipais e, deste xeito, limpe e desbroce as estradas e mellore tamén a sinalización, que en casos mesmo se atopa cuberta pola maleza. Dende o Partido Popular entenden que facer “un labor de prevención adecuado tanto en tempo como en forma supón unha garantía de seguridade e unha mellora na calidade de vida dos nosos veciños”.
Os populares precisan que a competencia municipal en materia de vías públicas alcanza tanto infraestruturas urbanas como rurais sendo obrigación das entidades locais “mantelas en bo estado de conservación”. Así, “son moitos os veciños e veciñas das zonas rurais, como dalgunhas urbanas, que nos trasladan as súas queixas dado que o Concello non acometeu en tempo nin de xeito adecuado a correspondente limpeza de cunetas así como as tarefas de desbroce necesarias”, precisan.
Dende o Grupo Municipal Popular alertan do perigo que esta situación supón tanto para os condutores como para os viandantes. A invasión de maleza nas vías públicas reduce a visibilidade, ademais de que a maioría dos camiños da zona rural non teñen beirarrúas polo que os viandantes utilizan a calzada, “sendo conveniente que estea no mellor estado posible”.
Informe de todas as vías rurais
Polo tanto, os populares a través do seu rogo piden unha revisión, co correspondente informe elaborado por persoal cualificado, do estado das vías rurais do Concello no que refire tanto á situación da maleza como da sinalización vertical dos camiños. Solicitan que se dea coñecemento deste informe a todos os grupos políticos.
En base a este informe, o Grupo do PP roga ao Concello que proceda á limpeza inmediata das estradas e camiños que sexan de responsabilidade municipal, así como á restauración e colocación daquelas sinais verticais de circulación, que se atopen en mal estado, tapadas pola vexetación ou en algúns casos non existan. En canto ás vías en mal estado por cuestión de maleza ou sinalización e que non sexan competencia do Concello, os populares solicitan que a alcaldía se dirixa a administración responsable para que realice as actuacións necesarias.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
