VIVEIRO .- O veterano deprotista do club Egovarros, Julián Bernal faleceu 91 anos de idade. Julián Bernal disputou fai 10 días na Coruña a súa última carreira co club Egovarros.
Nota de Prensa
A ÁREA DE DEPORTES DA DEPUTACIÓN LAMENTA O FALECEMENTO DO VETERANO DEPORTISTA AFINCADO NA MARIÑA, JULIÁN BERNAL
Aos seus 91 anos, Julián Bernal faleceu só 10 días despois de disputar a súa última carreira, deixando tras de si a lembranza dunha vida exemplar entregada ao deporte
LUGO, 16 de marzo de 2010. A Área de Cultura e Deportes da Deputación, unha vez que se tivo coñecemento do falecemento do veterano deportista do club mariñao do Egovarros, Julián Bernal, aos 91 anos, quere trasladar á súa familia, amigos e achegados o seu lamento por esta triste e lutuosa noticia.
Aos seus 91 anos, Julián Bernal remata a carreira máis longa que disputou nunca, a da súa vida, deixando para todas as persoas que puideron compartir con el kilómetros de carreiras populares das que era un asiduo, e tamén a todas aquelas que desde fóra admiraban cada proeza que día a día superaba coa súa paixón, a lembranza dunha vida exemplar entregada ao deporte.
Neste sentido, a Área de Cultura e Deporte da Deputación de Lugo sempre foi consciente da magnitude dos éxitos que Bernal ía colleitando proba tras proba, atopando unicamente os límites da súa forza agora, aos 91 anos. Así, Bernal foi, con todo merecemento, homenaxeado en diferentes ocasións xunto a compañeiros seus do Egovarros de Viveiro pola Deputación de Lugo, que valorou o esforzo e motivación deste deportista mariñao de adopción, quen co seu exemplo e motivación deixou para todos os deportistas populares unha lembranza inesgotable, coma a súa enerxía, ao paso dos anos.
Celebrouse no marco das festas de Vilamar, en Barreiros.
Trátase dunha mostra apoiada pola Xunta que pon en valor o patrimonio histórico, artístico e xacobeo do templo. Comisariada polo historiador Daniel Manuel Vázquez Vila, a exposición reúne oito paneis de carácter didáctico que repasan a historia do santuario, as súas pinturas medievais, góticas e marianas e a súa relación cos Camiños do Norte. O acto enmarcouse no inicio das festas, que concluíu coa lectura do pregón a cargo de Carmen Rodríguez Cancelo.
Faino despois de que esta semana aparecese vandalizada a lápida de Paulo Lopes nun acto que a entidade cualificou de racista e xenófobo. O colectivo expresou o seu apoio á familia e reclamou que se esclareza a orixe da agresión. A concentración terá lugar o luns 25 de maio, ás 20:00 horas, na praza do Concello de Burela, baixo o lema de apoio a Antonina Semedo e contra o racismo.
Durante a visita, destacou a importancia do evento para impulsar a comercialización do produto artesán galego, achegar os oficios á sociedade e reforzar a marca Artesanía de Galicia como sinónimo de calidade e traballo feito á man. Nesta edición participaron 20 obradoiros inscritos no Rexistro Xeral de Artesanía de Galicia, especializados en marroquinería, cantería, xoiería, cerámica, forxa, bordado ao aire, cestería, xoguetes, tecido, debuxo, vidro, elaboración de roupa, bixutería, sombreirería e complementos de moda.
Os premiados e recoñecidos queixos de Gandería Quintián foron os protagonistas. Os asistentes puideron ver a elaboración de diferentes receitas, que despois tiveron a oportunidade de degustar. A Gastropraza está organizada polo Concello de Ribadeo, a asociación de Cociñeiros Lugo, a Xunta de Galicia e Acisa.
O acto contou coa presenza do alcalde, Carlos López López, e de representantes institucionais de ABANCA e Afundación. A mostra, que poderá visitarse na Casa da Cultura ata o 3 de xullo en horario de 14.00 a 20.00 h, forma parte do proxecto «Corrente cultural», co que Afundación impulsa a difusión artística por toda Galicia. A exposición reúne corenta fotografías procedentes dos arquivos da Axencia EFE que retratan a emigración española e galega ao longo do século pasado, ofrecendo unha mirada humana e documental sobre a historia de millóns de persoas que tiveron que abandonar o seu país para sobrevivir.
Durante a visita déronlle un ramo de flores e felicitárona en nome de toda a veciñanza nesta data tan especial. Un xesto co que o Concello quixo recoñecer e poñer en valor ás persoas maiores de Burela, que forman unha parte fundamental da comunidade.
