Declaración do BNG sobre a imputación do Alcalde e da Xunta de Goberno de Barreiros
NOTA DE PRENSA
Os nacionalistas pediranlle a Feijoo que explique que lle parece a presenza de políticos imputados por prevaricación ao fronte dun Concello
O BNG solicita que o PP aclare se segue a apoiar ao Alcalde de Barreiros
O Bloque Nacionalista Galego vai solicitar que os responsábeis galegos e provinciais do Partido Popular que aclaren se seguen apoiar aos membros da Xunta de Goberno e ao Alcalde Barreiros imputados pola fiscalía por un posíbel delito de prevaricación ao proceder a conceder licencias urbanísticas co informe desfavorábel da Secretaría do Concello. Os representantes do Partido Popular que acudiron a Barreiros en 2006 a avalar a xestión urbanística do Grupo de Goberno deben aclarar agora se seguen a apoiar ao seu grupo de goberno, unha vez que aparece imputado pola fiscalía por un delito de prevaricación. A dirixencia popular tenlle que explicar aos galegas e as galegas se dá por boas este tipo de prácticas e que lles parece a presenza na vida pública de persoas que segundo o ministerio fiscal cometeron delitos susceptíbeis de responsabilidade penal.
O Alcalde e a súa Xunta de Goberno sabían que estaban concedendo as licenzas sen os informes positivos da secretaría municipal
Os nacionalistas queremos denunciar o intento que por parte do Alcalde de Barreiros se pretende levar a cabo nunha dupla vía de amedrentar a xustiza e confundir aos veciños. Non é de recibo que o Alcalde de Barreiros afirme agora que non era coñecedor no momento de conceder as licencias de que podía estar a incorrer nun delito de prevaricación cando procedeu a concedelas, con informes desfavorábeis de secretaría, informes por outra banda preceptivos segundo a lexislación de aplicación. A maior abonamento debese ter en conta que a nosa lexislación penal veu definindo tradicionalmente a prevaricación como un delito que se substantiva na realización de actos administrativos que non se axustan a dereito. Neste sentido debemos reparar que todos os membros da Xunta de Goberno recoñeceron publicamente que eran coñecedores no momento da concesión das licencias da existencia dos informes xurídicos desfavorábeis.
O problema non e que fiscalía actúe senón no proceder do goberno municipal que prescindiu do procedemento legal para outorgar as licenzas
Noutra orde non é tolerábel que por parte dunha administración, neste caso o Concello de Barreiros, se pretenda proceder a meter medo ao ministerio público, posto que incluso o Alcalde e a Xunta de Goberno de Barreiros, teñen que estar sometidos a lei. O problema non é que a Fiscalía realice o seu traballo, o problema onde está é na actitude de quen procedeu a actuar prescindindo do procedemento legalmente establecido. A irresponsabilidade destes señores abre outro fronte xudicial en Barreiros porque a maiores das causas hoxe abertas na xurisdición do contencioso administrativo, iniciase outra causa no ámbito penal. Isto é que a maiores de que os xulgados deben determinar a nulidade ou non dos actos administrativos polos que se conceden a licenza, algo que xa estaban a facer, agora vaise determinar en sé xudicial os delitos nos que puideran incorrer os membros da Xunta de Goberno de Barreiros pola concesión das mesmas.
Os dirixentes do Partido Popular deben posicionarse sobre este asunto e de non ser así o BNG esixirallo no Parlamento
O Bloque Nacionalista Galego considera que non é de recibo o silencio do Secretario e do Presidente do PP en Lugo e tampouco do Secretario e do Presidente do PP en Galiza. Aínda máis este silencio significa que dan por bo este comportamento, o que choca co mesmo código ético do PP que defende apartar dos cargos públicos aquelas persoas que aparecen imputadas. Os nacionalistas non estamos dispostos a que a vida pública se converta nunha cloaca nin a contribuír ao descrédito da mesma algo ao que contribúe manter en cargos de representación pública a persoas que están imputadas. Neste sentido se os responsábeis políticos do PP se negan a dar explicacións e contestacións a cidadanía, o BNG solicitará na cámara autonómica explicacións do Presidente da Xunta e do Conselleiro da presidencia para que explique aos galegos que lle merecen este tipo de prácticas
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
