Ribadeo, 23 de xullo de 2019. A axenda cultural do Concello de Ribadeo para o terceiro trimestre do ano inclúe exposicións no Forte de San Damián, concertos e actuacións da Banda Municipal de Música e da Coral Polifónica. O 9 de agosto estará en Ribadeo a Banda Sinfónica de Galicia, e a esta vila chegarán tamén en setembro Teatro del Cuervo e El Brujo. A programación inclúe propostas para os máis pequenos e pequenas da casa.
A concelleira de Cultura, Pilar Otero, dixo que “logo da nosa cita cos libros en Letras no Campo e despois da grande festa do Ribadeo Indiano, imos seguir este percorrido pola nosa programación cultural cunha proposta da que xa poden gozar desde o pasado día 17 e ata fin de mes. Referímonos á exposición que se pode visitar no Forte de San Damián: Raia na area, unha proposta plástica excepcional, delicada e exquisita de Ana Barranco. Inmediatamente despois, no mesmo espazo, teremos outra mostra que é ben interesante para toda a veciñanza ribadense e tamén para os visitantes, porque se centra en algo próximo a nós e á vez moi descoñecido. Trátase da exposición de fotografía submariña Ribadeo. O que a ría esconde, posible grazas tamén á iniciativa do Club de Actividades Subacuáticas Illa Pancha, coa colaboración do Concello. Poderemos disfrutar de fotografías do fondo da ría e dos tesouros que os mergulladores viron nos seus descensos”.
Otero Cabarcos seguiu a relatar que “esta mesma semana na que estamos protagonizan a nosa axenda dous piares da nosa cultura local: a BMMR ofrece o seu tradicional Concerto do Día da Patria e a Coral Polifónica de Ribadeo o seu Concerto de Verán, solidario, en apoio á AECC. A Banda e a Coral sempre actúan en varias ocasións na época estival, unhas veces sendo protagonistas únicas e outras actuando de anfitrioas (coma por exemplo no Festival de Habaneras, ou no concerto de bandas sonoras, nos pregóns das festas, etc).
Seguindo coa música, e co desexo de diversificar a oferta de xéneros, convidámosvos tamén para este domingo ao festival que clausura o XI Curso de Iniciación ao Jazz, unha cita que se afianza ano a ano. O concerto será este domingo ás 20.00 h no parque de San Francisco”.
A edil ribadense sinalou que “o día 9 de agosto no auditorio está previsto tamén o concerto da Banda Sinfónica de Galicia, que integra a varios intérpretes ribadenses. A música clásica protagoniza a edición número XIII do Festival Internacional de Música Clásica de Ribadeo o día 2 de agosto e a formación I Colori dell’Armonia ofrecerá o seu habitual concerto de música antiga na igrexa parroquial o 25 de agosto. O verán é tamén facer vida na rúa. Temos primeiro unha proposta de Novo Circo para público familiar este mércores día 24 no parque San Francisco e máis adiante, xa en agosto, recibiremos polas vías máis céntricas da vila aos Festicultores, co seu pasarrúas máis festeiro”.
Pilar Otero engadiu que “Lila Teatro, unha compañía profesional provincial, tamén representa en exterior, seguindo con este espírito de saír á rúa, Andanzas dunha cabra montesa. E coma sempre, a nosa axenda tenta darlle publicidade tamén ás actividades das asociacións culturais. Amigos da Gaita celebra a súa grande festa, a Xira de Santa Cruz, este ano cun cartel excepcional. Pola súa banda, a Agrupación Cultural Francisco Lanza, como cada verán, organiza as xornadas de historia local, desta vez arredor da heráldica presente nas casas de Ribadeo. Haberá un día unha charla sobre o tema (o 31 de xullo) e ao día seguinte un roteiro guiado. Tamén haberá unha nova edición de Palabras no balcón cos tradicionais paneis con poemas en diferentes balcóns de Ribadeo. Vén sendo xa habitual nos últimos anos a festa do Guateque, que promove a Comisión do Entroido, que terá lugar o 24 de agosto e que cada vez resulta máis exitosa”.
A concelleira de Cultura indicou que “o verán é a época por excelencia das festas. Moitas das nosas parroquias do rural celebran o día da súa patroa ou do seu patrón. Na vila temos as festas do Carme, que acaban de pasar, as de San Roque e as da Patroa. Son moi valorados tamén tres eventos que se desenvolven nas Anzas, en Remourelle e en Rinlo, a saber, o Día da Malla, a festa da Carne ao Caldeiro e a festa do Percebe. E chegamos a setembro con dualidade de públicos para a oferta escénica. Dúas prestixiosas compañías foráneas, Teatro del Cuervo e El Brujo, presentarán respectivamente as montaxes Bojiganga e Autobiografía de un yogui. E o grande protagonista da nosa oferta de setembro é o público infantil. Musicreques representará no Teatro de Ribadeo unha versión do Quebranoces para bebés. E a biblioteca municipal albergará ata catro espectáculos de pequeno formato para que o alumnado máis cativo dos centros de ensino poida acudir”.
Pilar Otero tivo tamén palabras de agradecemento para as entidades e administracións colaboradoras: “unha parte importante desta proposta conta coa colaboración de entidades como Abanca e tamén da Xunta de Galicia, a través dos seus programas Cultura no Camiño, Ler Conta Moito , Xacobeo 2021 ou Camiño Escena Norte”.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
