Ribadeo, 29 de xullo de 2019. Esta mañá tivo lugar o acto de entrega de diplomas aos participantes no obradoiro de emprego Ribadeo co Camiño, que se veu desenvolvendo desde o pasado mes de outubro. Un total de 18 alumnas e alumnos obtiveron os correspondentes certificados de profesionalidade tras o seu paso polas especialidades de dinamización, programación e desenvolvemento de accións culturais, e instalación e mantemento de xardíns e zonas verdes. Foron en total 2.880 horas de traballo. No acto, celebrado no salón de plenos do Concello estiveron o alcalde, Fernando Suárez; o concelleiro de Desenvolvemento Local, Pablo Vizoso; a xefa da Área de Economía e Emprego da Xunta en Lugo, Pilar Fernández; e a directora do obradoiro Ribadeo co Camiño, Maitane Aránguiz.
O rexedor ribadense recalcou que “foi unha labor despois de varios meses de traballo e de formación, en varios aspectos e en varios lugares xeográficos do noso concello, grazas a esta colaboración por unha banda da Xunta, o Concello e ao mesmo tempo co bo facer de traballadores, monitores e alumnos e alumnas, que durante uns meses fixeron un paréntese na súa vida laboral. Todos, maiores de 25 anos, con experiencias laborais seguramente ben diferentes a esta formación recibida agora. Creo poder dicir en nome de todos os participantes que foi unha experiencia boa. Polo que vexo doutros obradoiros, tamén estes grupos acaban en amizades e algúns deles acaban tendo unha inserción laboral en algo parecido ao que fixeron. Pero sobre todo seguro que serve de experiencia para afrontar retos diferentes”.
O concelleiro de Desenvolvemento Local, Pablo Vizoso, declarou que “foron máis de dúas mil horas de traballo continuado. Quero remarcar a colaboración coa Xunta na organización deste obradoiro de emprego. Creo que os obxectivos están conseguidos, que eran reforzar o entorno do Camiño ao seu paso por Ribadeo e tamén a súa promoción. Quero agradecer todos os traballos e labores feitas a nivel de axuda na Oficina de Turismo e na Capela das Virtudes. Tamén quero remarcar que os 18 participantes adquiriron uns coñecementos e unha valía que espero que lles serva de axuda na súa carreira laboral e que se encha de éxitos proximamente”.
A xefa da Área de Economía e Emprego da Xunta en Lugo, Pilar Fernández, dixo: “quero darlle as grazas ao Concello por participar sempre nestes programas, porque se os Concellos non participaran non se poderían levar a cabo e eu creo que son moi interesantes para a formación e para facilitar a incorporación ao mercado laboral. Dar tamén a noraboa aos participantes porque conseguestes todos un certificado de profesionalidade que espero que vos valga para incorporarvos ao mercado de traballo”.
A directora do obradoiro Ribadeo co Camiño, Maitane Aránguiz, explicou que “as especialidades a impartir eran instalación e mantemento de xardíns e zonas verdes e tamén dinamización, programación e desenvolvemento de accións culturais. Dos 20 alumnos, 18 obtiveron a certificación de profesionalidade. Foron 2.880 horas de traballo, sumando as dúas especialidades, que deron para moito, dunha formación teórica pero tamén dunha práctica profesional. Na especialidade de xardinería destaca a súa actuación en 6 áreas situadas no Camiño de Santiago, nas que se acometeron diversas labores de limpeza e plantado.Trátase de áreas como a fonte do Valín, a Palmeira en Ove, que sufriron unha gran transformación así coma outras áreas da parroquia de Vilela nas que interviñeron creando unha carballeira e mellorando os espazos da Pena no entorno do albergue, deixando pegada e humanizando espazos para aqueles peregrinos que realizan o Camiño”.
E engadiu que “na especialidade de dinamización desenvolvéronse varias accións dirixidas á promoción o Camiño ao seu paso por Ribadeo e que consistiu na renovación da cartelería do albergue, e sobre todo facendo moito fincapé no traballo de sensibilización dos nenos e nenas, ben a través dos coles e coa realización de obradoiros. Quero ademais destacar a figura de atención ao peregrino que fixeron os alumnos que estiveron atendendo tanto na Oficina de Turismo como na Capela de Arante facilitando unha atención máis personalizada ao peregrino. Este obradoiro chámase Ribadeo co Camiño e o nexo común das dúas especialidades foi facer un traballo integral do Camiño de Santiago, os de xardinería traballaron desde un punto de vista máis paisaxístico e medioambiental humanizando os espazos e os de dinamización puxeron en valor o Camiño desde o punto de vista cultural e artístico”.
Rematou o obradoiro de emprego Ribadeo co Camiño. Un total de 18 alumn@s obtiveron o certificado de profesionalidade e realizaron tarefas de limpeza e promoción do Camiño ao seu paso polo Concello
Relacionado
-
Cariño reforza a conciliación familiar cunha ampla oferta de actividades deportivas e culturais para o verán
-
O BNG de Viveiro presenta 32 alegacións e reclama manter a variante integrada na VAC Costa Norte
-
A Deputación reforza a seguridade viaria en Cervo coa limpeza de cunetas en cinco estradas provinciais
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
