Foz, 15 de agosto de 2019. Ata o vindeiro domingo estará na explanada portuaria Foz Market 2019, onde as food trucks e a música son as protagonistas. O evento está organizado por Ruta Food Trucks, que conta coa colaboración do Concello de Foz e do Centro Comercial Aberto.
Centos de persoas se deron cita xa onte en Foz Market 2019 para saborear algunhas das propostas gastronómicas que ofrecen as food trucks alí instaladas: hamburguesas e perritos quentes de autor, comida peruana, mexicana e xaponesa ou crépes doces e salgadas, entre outras cousas, ademais de orixinais cócteles e outras bebidas.
Por Foz Market 2019 pasaron na xornada do mércores o alcalde focense, Fran Cajoto, e o presidente de ACIA/CCA de Foz, José Carlos Paleo, que estiveron acompañados por varios concelleiros da Corporación Municipal focense, polo presidente da Mancomunidade de Municipios da Mariña, Alfredo Llano, e polo deputado provincial Javier Castiñeira. Todos xuntos percorreron a carpa que acolle esta nova edición de Foz Market para coñecer de preto todas as posibilidades que ofrece: gastronomía, música e zona infantil.
O alcalde, Fran Cajoto, destacou “o bo ambiente que vimos onte, as food trucks están moi en voga e a verdade é que no recinto coa música en vivo, con eses grupos de rock amenizando a xornada, puidemos ver a moita xente de toda a comarca. E iso é o que queremos que haxa oferta durante todo o verán en Foz e que a xente siga visitándonos”. O rexedor tivo palabras de agradecemento para a organización e para Acia Foz: “é importante que haxa unha oferta variada, que non nos quedemos só en eventos para determinado público, senón que todos os rangos de idade, que toda a xente teña unha oferta variada para que poidan acudir a esas citas. Iso é o que trae Foz Market, iso é o que traen as food trucks, que ademais de familias hai moita xente que se achega e comen na rúa, que é unha forma tamén de relacionarse”.
Desde o Centro Comercial Aberto o seu presidente, José Carlos Paleo, comentou que “xa o primeiro día puidemos ver o tirón que ten este tipo de evento gastronómico en Foz ao que acoden familias cos seus nenos e nenas, grupos de amigos, xente adulta e xente nova, porque hai propostas para todos os gustos. Todas as food trucks tiveron moita xente na xornada de onte e así agardamos que continúen ata o vindeiro domingo”. E engadiu que “outro aliciente de Foz Market son os 10 concertos programados con dez grupos diferentes que animarán a tarde noite na explanada do porto”.
Onte a nota musical puxérona Punta Norte e Jin Tony’s Son. Hoxe, xoves, ás 20:30 horas ofrecerá un concerto Valvulina e ás 22:30 horas actuará Tigers. O venres 16 ás oito e media da tarde tocará Gil & Hime e ás 22:30 horas será tempo para escoitar a Otus Scops. Os concertos seguirán o sábado 17 con Remakers ás 20:30 horas e Skuld ás 22:30 horas. E o domingo 18 actuarán ás 20:30 horas Swing XXI e ás 22:30 horas Half Black.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
