Burela, 12 de setembro de 2019. Do 16 ao 22 de setembro terá lugar a décimo terceira Semana Europera da Mobilidade en Burela. Esta edición, que organiza a Concellería de Medio Ambiente, chega con novidades coma o concurso fotográfico Os Beatles en Abbey Road… nun paso de cebra. O programa de actividades foi presentado hoxe polo alcalde, Alfredo Llano, e a edil Noelia Mª Ben.
Durante a semana haberá charlas nos centros de ensino impartidas pola DXT e por Gaia, volverán citas como Andando ao colexio e o circuíto de educación vial e desenvolveranse talleres de manualidades e pintacaras e de cociña infantil. Está programado un concurso de debuxo infantil para nenos e nenas ata 12 anos baixo o lema Camiña connosco, qué o eslogan desta Semana Europea da Mobilidade, con agasallos para os participantes.
Unha das novidades máis destacadas desta edición é o concurso fotográfico Os Beatles en Abbey Road… nun paso de cebra. Segundo explican desde a Concellería de Medio Ambiente “trátase de imitar a mítica imaxe dos Beatles, sacar unha foto e enviala por correo electrónica a gaia@burela.org xunto cos nomes dos participantes, DNI e un teléfono de contacto. O prazo para enviar as fotos remata o 22 de setembro ás dez da noite. A foto premiada recibirá como agasallo unha cea valorada en 100 euros no Contraste”.
A Semana Europea da Mobilidade culminará en Burela o 22 de setembro, coa celebración do día sen coches, e con moitas actividades que se desenvolverán ao longo da xornada na rúa Pardo Bazán, que estará pechada ao tráfico de 9 a 22 horas entre as interseccións das rúas Curros Enríquez e Eijo Garay. Ese día haberá unha Xeorruta polo Cantiño, xadrez, música, xogos deportivos ao aire libre, exposición, cine, etc…
Noelia Mª Ben agradece “a colaboración de todas as asociacións e de todas as persoas que ano tras ano nos apoian para desenvolver un programa tan amplo de actividades, que van desde o luns ata o domingo. Sen a súa axuda isto non sería posible”. E subliña que “somos un dos poucos Concellos galegos nos que celebramos a Semana Europea de Mobilidade durante sete días”.
Do 16 ao 22 de setembro terá lugar a XIII semana europea da mobilidade en Burela, con novidades coma o concurso fotográfico os Beatles en Abbey Road… nun paso de cebra
Relacionado
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
