Lugo, 24 de setembro de 2019. O Pleno da Deputación de Lugo aprobou hoxe, de forma unánime, un paquete de medidas para salvagardar os postos de traballo e a actividade industrial na sede que Alcoa ten en San Cibrao. Na sesión, que contou con intérpretes de linguaxe de signos para as persoas con discapacidade auditiva, acordouse instar á Xunta de Galicia a constituír unha mesa de negociación coa compañía e o Comité de Empresa de San Cibrao para demandar a activación das cubas en suspenso e velar polo mantemento do emprego e da actividade industrial. Tamén se deu luz verde a outras medidas, como a planificación da substitución do sistema de poxa de interrumpibilidade por unha regulación estable que permita prezos competitivos no sector con compromisos no mantemento do emprego.
“A Deputación está con Alcoa e cos traballadores”, subliñou o Presidente do organismo provincial, José Tomé, tras a votación unánime de toda a Corporación en favor deste paquete de medidas. Engadiu que el está “coa masa social, coas familias” e lembroulle ao Partido Popular que foi o Goberno de España do Partido Socialista o que arranxou, nun ano de mandato, a compra das sedes de Coruña e de Asturias. “Que fixo o señor Rajoy antes? Eu non vin nese momento que o señor Feijóo fixera fotos nin nada de nada, nin que a señora Candia se acordara”, asegurou.
Control da poboación de xabaril
Por outra parte, o Pleno aprobou tamén unha moción socialista instar á Xunta de Galicia a adoptar un paquete de medidas en relación aos danos causados polos xabarís no patrimonio de agricultores e gandeiros. Entre outros asuntos, esixirase ao Goberno autonómico que elabore un plan de control da poboación deste animal e dos danos que causa, pagar as indemnizacións aos afectados e a posta en marcha dun Fondo de Corresponsabilidade.
A deputada socialista e voceira da institución provincial, Pilar García Porto, argumentou na súa intervención que os danos da agricultura tradúcense nuns 15 millóns de euros ao ano en Galicia e reprochou ao PP que a Xunta só aporte 600.000 euros en liñas de axuda cando son as súas competencias. Tamén destacou que este animal provoca 1.100 accidentes nas estradas galegas cada ano, tal e como reflicten as cifras da Garda Civil de Tráfico.
Mellora da LU-636, de Sarria a Becerreá
A Corporación acordou instar á Consellería de Infraestruturas e Mobilidade da Xunta a acometer melloras que garantan a seguridade na estrada autonómica LU-636 que une Sarria con Becerreá. O Deputado de Promoción Económica e Social, Pablo Rivera, defendeu que a vía é o acceso natural á A-6 para moitos veciños de Sarria e que é un auténtico perigo no seu estado actual.
Conta Xeral da Deputación e SUPLUSA
O Pleno aprobou a Conta Xeral da Deputación de Lugo e de SUPLUSA correspondente ao ano 2018, un documento técnico que foi informado pola Comisión Especial de Contas o pasado 31 de maio, permaneceu exposto ao público na Secretaría Xeral durante 23 días e foi publicado no Boletín Oficial da Provincia o 10 de xuño. A Deputada de Economía, Recadación e Facenda, Mayra García, subliñou que a Conta Xeral constata que a Deputación cumpre co obxectivo de estabilidade orzamentaria e co límite de débeda pública, e supera a regra de gasto, motivo polo que na pasada sesión plenaria foi aprobado un Plan Económico Financeiro.
Así mesmo, a Corporación aprobou por unanimidade un modificación do orzamento da Deputación deste ano 2019 co fin de dotar de consignación económica a 28 actuacións incluídas no Plan Único do ano 2017 por un importe de 686.301,17€, unha situación que se produce, segundo explicou Mayra García, porque, unha vez recibidas as contas xustificativas desas obras, os créditos legalmente autorizados e comprometidos na anualidade do 2017 xa non son incorporables ao presente exercicio 2019. Por iso, foi preciso dotar da correspondente consignación orzamentaria mediante a modificación de crédito aprobada hoxe no Pleno co fin de que os concellos poidan recibir a contía económica que lles corresponde. O financiamento necesario aplicouse sobre todo con cargo a remanentes e baixas de crédito.
Plan Único
Na sesión plenaria celebrada hoxe aprobáronse tamén por unanimidade diferentes modificacións de investimentos incluídos no Plan Único 2018 por valor de 405.811,52 euros para os concellos de Quiroga, Pedrafita, Ribas de Sil e Taboada.
Deuse luz verde para substituír, en Quiroga, a cantidade destinada a acometida eléctrica e instalación en punto de captación do río Ferreiriño pola mellora do abastecemento e da Estación de Tratamento de Auga Potable (ETAP) da Ermida por importe de 49.316,88 euros. Tamén pola adecuación da instalación de subministro de auga do núcleo de Santa Andrea, en Quintá de Lor, por 22.683,12 euros. Acometerase un investimento para infraestruturas urbanas consistentes en equipamentos e revestimentos de diferentes rúas por importe de 48.366,24 euros. Tamén levarase a cabo o acondicionamento e mellora da rede viaria local en camiños e accesos da comarca por 48.142,49 euros. No concello de Pedrafita, aprobouse a substitución da cantidade solicitada para o soterramento de infraestruturas eléctricas para a mellora de pavimentación de vías interiores o núcleo de Pallarvello, por importe de 12.248,01 euros. Ribas de Sil poderá levar a cabo a ampliación de saneamento en Vilardonas por importe de 14.204,70 euros e Taboada a pavimentación de accesos a San Salvador, Cima de Vila-Piñeira, de Iglesia de Cicillón a Vilariño, Sernande-Carboeiro, Airexe, Santa Marta, San Martiño, Millán, A Vila e a Fenteira por importe de 210.850,08 euros.
PERF
O Presidente da Deputación informou ao Pleno sobre a situación do Plan Extraordinario de Rehabilitación de Firmes (PERF) 2017-2019, que a día hoxe está executado ao 92,60%. O importe total das baixas producidas nas diferentes licitacións é de 4,6 millóns de euros e, desta cantidade, a cantidade xa reinvestida é de 3,3 millóns de euros.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
