LUGO .- Lugo segue “desafortunadamente” á cabeza das provincias con máis dificultades de acceso á banda larga, rexistrando “un 76% de núcleos sen conexión á rede, seguida de Ourense cun 69,5%, A Coruña cun 48,5% e Pontevedra cun 29,8%” indicou Raquel Arias, no acto no que anunciou que comeza a planificación da execución do plan de banda larga na zona sur da provincia de Lugo
NOTA DE PRENSA
O goberno galego prioriza o despregamento das novas infraestruturas de telecomunicacións nunha das áreas xeográficas con máis dificultades de acceso á rede
A XUNTA DE GALICIA COMEZA A PLANIFICACION DA EXECUCIÓN DO PLAN DE BANDA LARGA NA ZONA SUR DA PROVINCIA DE LUGO
* Esta primeira fase abrangue 22 concellos do provincia luguesa, cinco da Ribeira Sacra ourensá e un municipio de Pontevedra
* No 2013 o 83,19% dos habitantes destas zona terán acceso á banda larga fronte ao 37,32% actual
* As actuacións que se van poñer en marcha permitirán xa no 2011 dotar de cobertura ao 68,33% da poboación dos 28 concellos
* Investiranse 10,74 millóns de euros ata 2013 para achegar Internet de calidade a unha das zonas máis afectadas pola fenda dixital
Lugo, 25 marzo de 2010.- A Xunta de Galicia inicia a planificación das actuacións do Plan de Banda Larga 2010-2013 na zona sur da provincia de Lugo e nunha parte da Ribeira Sacra ourensá as que máis acusan a fenda dixital. Así o anunciou hoxe a delegada territorial da Xunta en Lugo, Raquel Arias, que indicou que o despregamento de novas infraestruturas nos 28 concellos que comprenden nestas áreas, incluíndo un de Pontevedra, permitirán achegar a banda larga “ao 83,19% da poboación e xa no vindeiro ano a porcentaxe de cobertura prevese que alcance ao 68,33%”. Actualmente, nestas zonas só o 37,32% dos habitantes teñen acceso á banda larga de calidade.
Dos 10.740.000€ de investimento previsto a finais de 2013 para dotar de cobertura aos 28 municipios desta fase, 3.460.000€ destinaranse á implantación de redes fixas, 5.610.000€ a redes inalámbricas e os 1.670.000€ restantes se aplicarán á posta en marcha de redes de nova xeración (NGAs), que permiten velocidades de conexión de ata 100 Mbps, expuxo a representante do Executivo galego na provincia. Destas últimas beneficiaranse arredor de 26.145 habitantes de Monforte, Chantada e Sarria.
Esta primeira fase de despregamento de novas infraestruturas realizarase “en 12 concellos da Ribeira Sacra luguesa (Carballedo, Chantada, Monforte de Lemos, Pantón, A Pobra de Brollón, O Saviñao, Sober, Taboada, Paradela, Portomarín, Quiroga, Ribas de Sil), así como en outros 10 da metade sur da provincia de Lugo (Antas de Ulla, Bóveda, Friol, Guntín, Palas de Rei, Monterroso, O Corgo, Láncara, O Páramo e Sarria)”, destacou Arias, que estivo acompañada na presentación polo enxeñeiro Javier Páez, compoñente do equipo que se encargará de controlar o desenvolvemento do Plan de Banda Larga.
Do mesmo xeito, nesta primeira fase actuarase en tres municipios da Ribeira Sacra ourensá (Nogueira de Ramuín, A Peroxa e A Teixeira) e nos concellos de San Cristovo de Cea e Vilamarín (Ourense) e Rodeiro (Pontevedra).
Reverter a situación actual
Arias sinalou que, actualmente, o 45,6% de habitantes da provincia de Lugo non teñen acceso á rede de calidade, seguida de Ourense cun 41,2%, A Coruña co 24,5% e Pontevedra do 21,7%. Por núcleos de poboación Lugo segue “desafortunadamente” á cabeza das provincias con máis dificultades de acceso á banda larga, rexistrando “un 76% de núcleos sen conexión á rede, seguida de Ourense cun 69,5%, A Coruña cun 48,5% e Pontevedra cun 29,8%”.
O obxectivo do Plan é “reverter a actual situación de desigualdade social que vive a comunidade en materia de acceso aos servizos de telecomunicacións” e contribuír ao aproveitamento das TIC como “motor para a dinamización e competitividade empresarial así como a modernización dos servizos públicos”.
“Será un despregamento de infraestruturas baseado na eficiencia e na cooperación de todos os axentes implicados”, afirmou Arias, que fixo referencia tamén a que a iniciativa autonómica permitirá que a dotación orzamentaria de 102 millóns de euros da Xunta de Galicia poida superar os 230 millóns mobilizando capital privado e doutras administracións.
O proceso de desenvolvemento de infraestruturas permitirá o acceso aos servizos avanzados da Sociedade da Información de cidadáns e empresas de todo o territorio galego, nalgúns casos, xa a finais do presente exercizo, segundo as previsións de execución do plan.
En primeiro lugar realizaranse “actuacións que contribuirán á vertebración territorial, como o despregamento de redes fixas que achegará a banda larga a máis de 170 núcleos de máis de 100 habitantes e parques empresariais e polígonos industriais con deficiencia de cobertura”, adiantou Arias, referíndose a unha serie de tarefas que suporán a atención a arredor de 100.000 persoas.
Así mesmo, desenvolverase a estensión de redes sen fíos a preto de 9.000 núcleos que non se cubran coas actuacións anteriores e que equivalen a máis de 400.000 habitantes e a potenciación do operador público Retegal que permitirá reducir custes e acelerar o despregamento da banda larga.
Outra liña de actuación é a universalización do servizo que dotará de cobertura a outras 143.000 persoas que vivan en zonas que pola súa dispersión ou xeolocalización non foran incluídas nas actuacións anteriores. Finalmente, o desenvolvemento de infraestruturas completarase coas de redes de nova xeración que alcanzan velocidades de ata 100 Mbps.
“O denominador común de todas estas actuacións é a prestación dun servizo de banda larga de calidade”, resumiu a delegada territorial. No plan recóllense velocidades de acceso superiores a 2Mbps, podendo chegar a 100Mbps no caso de redes de nova xeración.
En xeral, o despregamento das infraestruturas de telecomunicación permitirá cambiar a situación actual da comunidade na que un total 786.000 galegos (o 30% da poboación total), preto de 35.000 empresas (16%) e 589 entidades de poboación con algunha entidade administrativa non teñen posibilidade de acceso á banda larga.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
