Cervo, 16 outubro, 2019. Os populares da provincia non descansan no seu obxectivo de presionar, xunto aos traballadores e veciños da Mariña, para que o Goberno dea unha solución ás demandas dos traballadores de Alcoa. Ao igual que fixeron a semana pasada en Xove, alcaldes, voceiros da comarca, a presidenta provincial, Elena Candia, e outros cargos orgánicos da formación participaron esta tarde na concentración prevista en Cervo.
Demóstrase así que dende o PP están, unha vez máis, do lado dos afectados, e así o seguirán facendo en sucesivas reivindicacións e concentracións que se convoquen. Trátase, en definitiva, de sumar apoios para que o Executivo de Pedro Sánchez asuma a súa responsabilidade e presente solucións que garantan o mantemento da actividade industrial e os postos de traballo. Neste senso, insisten e defenden publicamente que “non hai tempo que perder” para aprobar o estatuto de consumidores electrointensivos para que as empresas dispoñan dun prezo eléctrico competitivo e ampliar de 90 a 200 millóns de euros a compensación dos gastos indirectos de CO2, ademais de pagar dunha vez por todas esa partida inicial de 90 millóns que xa está aprobada.
Piden, ademais, que se convoque unha mesa de traballo en Madrid incorporando ao comité de empresa de San Cibrao, co que a Xunta de Galicia tamén comparte as súas inquedanzas. E é que a tarifa eléctrica galega non é legal porque o marco normativo non permite diferenciar por territorios. Tampouco é xusta porque fai que os galegos teñan que pagar máis pola electricidade, en concreto, 300 millóns máis ao ano para financiar as infraestrutura e a retribución por interrompibilidade. E non é realista, debido a que non existen datos que a xustifiquen.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
