Lugo, 21 de outubro. A Xunta de Galiza continúa coas mesmas promesas que nunca se cumpren. A deputada por Lugo, Olalla Rodil, denuncia que “hai proxectos que o Partido Popular leva anunciando os últimos catro anos a bombo e prato en Lugo e aínda non vimos mover unha pedra”.
Esta situación de abandono pódese ver no caso do caso do desdobramento do Corredor Nadela-Monforte, na que a Xunta prevé un investimento de 3 millóns de euros neste proxecto de orzamentos. O goberno de Feijóo tiña consignado para o 2018 uns 4 millóns de euros, na que prevían investir 6 millóns para 2019 e outros 6 millóns para 2020. Mais o certo é que non executaron nin un só euro, o corredor segue sen desdobrarse e aínda por riba queren facelo en fases e non no seu conxunto como ven reclamando o BNG.
Segundo Rodil “É unha tomadura de pelo á veciñanza de Lugo, de Sarria e de Monforte. O PP comprometeuse a converter o corredor en autovía en 2011, van oito anos e non fixeron nada malia que as expropiacións no tramo Nadela-Sarria están feitas xa.”
O Bloque Nacionalista Galego lembra á Xunta de Galiza os riscos para a seguridade viaria que supón esta infraestrutura onde se teñen rexistrado importantes e graves accidentes, con vítimas mortais en numerosos casos, polo que a conversión en autovía é, ademais dunha urxencia, unha grande necesidade que o Partido Popular non pode seguir adiando.
Así mesmo, as cifras repítense unha e outra vez como os eternos 450 mil euros do Plan Paradai ou os 750 mil euros do Porto Seco de Monforte. A deputada sinalou “non sabemos se son un mal chiste ou se o Partido Popular pretende tomarnos o pelo a todas as e os lucenses porque todos os anos os Orzamentos da Xunta de Galiza consignan partidas que despois non executa”.
Respecto a estes feitos tamén se acontecen coa estación estación intermodal ou coa Ronda Leste na cidade, para as que, despois de anos de esquecemento, as partidas previstas de cara a 2020 son ridículas. Se o actual goberno galego verdadeiramente tivesen vontade de impulsar estes proxectos o próximo ano, pois o investimento total que requiren é moi superior.
“O Partido Popular na Xunta quere facer que fai pero a veciñanza sabe ben que a Xunta non cumpre con Lugo e que os seus orzamentos fan moito ruído pero dan poucas noces” dixo Olalla Rodil.
A viceportavoz parlamentaria denunciou que o que confirman as contas da Xunta é que o PP non vai levar a cabo dous proxectos fundamentais para a cidade de Lugo que vimos defendendo desde o BNG pola súa importancia: o Museo Galaico-Romano no Cuartel de San Fernando que, coma todos os anos, é unha das grandes ausencias nos Orzamentos e o proxecto de rehabitación e rehabilitación da Tinería que o Partido Popular paralizou desde 2009 e que nestes orzamentos, coa previsión orzamentaria que contempla, non prevé recuperar.
O BNG defenderemos a través do proceso de tramitación dos orzamentos que comeza agora no Parlamento os investimentos que merecen as comarcas de Lugo e o necesario impulso de proxectos que levan unha década de retrasos e incumprimentos do PP na Xunta.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.