Ribadeo, 23 de outubro de 2019. Unha trintena de persoas, entre os que se atopan profesores e directores de centros educativos da Mariña, empresarios e público xeral, asisten esta tarde no CIFP Porta da Auga de Ribadeo á primeira xornada sobre a FP Dual, que organiza o Departamento de Dinamización da FP Dual na Mariña lucense. Á cita asisten como poñentes María Isabel Carro Garrote, do departamento de recursos humanos de Navantia en Ferrol e titora da 1ª promoción do ciclo de Dual de Mecatrónica; Enrique Pazo López, director do CIFP de Ferrolterra; Miguel Calvo Bello, xefe de departamento de Instalacións e Mantemento do CIFP Ferrolterra e titor de Mecatrónica con Navantia; e Nicolás Espasantín Gerpe, asesor da Dirección Xeral de Educación, Formación Profesional e Innovación Educativa.
Espasantín Gerpe lembrou que a FP Dual comezou a súa andaina en Galicia no curso 2012/13 e subliñou que este método implica que o alumnado pase máis tempo nas empresas. Na súa intervención referiuse ás dúas modalidades de formación dual que hai: á de réxime ordinario e á de réxime de persoas adultas e subliñou que alumnas e alumnos experimentan unha inmersión completa na empresa, no entorno xeral de produción e na vida laboral. O 33% das horas do ciclo teñen que facelos nas empresas que asinan os convenios de colaboración coa Consellería de Educación.
Álvaro Doural, responsable do Departamento de Dinamización da FP Dual na Mariña, salientou na presentación desta cita que “estas xornadas teñen como obxectivo claro dar a coñecer a formación dual. Na Mariña neste momento non hai un gran nivel de implantación de FP dual. Consideramos que é outra posibilidade máis para conseguir emprego e para resolver un tema clave por parte das empresas como é a falta de persoal cualificado”.
Doural dixo que “queremos chegar a empresarios, a alumnos, a profesores e a pais, que son un elemento importante porque a información moitas veces non chega ás familias. Desde o Departamento de Dinamización de FP Dual na Mariña pretendemos realizar unha serie de actividades para poder chegar aos pais e ás familias e que vexan a importancia que ten este tipo de formación profesional a nivel de que os seus fillos nun futuro poden conseguir un emprego”.
O director do CIFP Porta da Auga, Isidro Berdeal, foi o encargado de dar a benvida aos asistentes a esta 1ª xornada sobre a FP Dual.
Máis de trinta persoas asisten no CIFP Porta da Auga de Ribadeo á 1ª Xornada sobre a FP dual
Relacionado
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
