Compostela, 23 de outubro, 2019. “Nós levamos á Mariña no corazón, o PSOE tira no lixo o seu futuro”. Así o manifesta o deputado autonómico, Daniel Vega, logo de que o conselleiro de Industria, Francisco Conde, confirmase esta tarde no Parlamento de Galicia, a instancias da pregunta formulada polo mariñao, as medidas que trasladará a Xunta aos partidos nacionais no marco da súa proposta de estatuto para as electrointensivas.
Deste xeito, o popular pon en valor que se demostra que, “mentras o Goberno da Xunta suple ao Central, os socialistas seguen poñéndose de perfil”. E todo iso, a sabendas, indica, de que “todos temos claro que o verdadeiro problema de Alcoa ė que non pode competir en igualdade de condicións co resto da industria europea por culpa dun prezo eléctrico elevado”.
O Goberno leva un ano anunciando o documento para os consumidores electrointensivos que permita fixar este prezo eléctrico competitivo para o tecido industrial. Fronte a estes reiterados incumprimentos, o Executivo de Feijóo decidiu tomar de novo a iniciativa e elaborou as liñas básicas que debe recoller o Estatuto, que serán enviadas aos partidos políticos a nivel nacional para tratar de desbloquear esta situación. Son as seguintes:
• Medidas de carácter fiscal, como a supresión do imposto do 7% á xeración eléctrica a todos os consumidores, sexan grandes empresas, pemes ou particulares; e a supresión do céntimo verde ao carbón.
• Redución de cargas e peaxes recollidos nas tarifas de acceso. Trátase de axustar os custos de transporte ao resto de países europeos.
• Ampliación das axudas compensatorias por custos de emisións indirectas de CO2.
• Fomento da contratación a longo prazo de enerxía eléctrica, de tal maneira que o consumidor poida asegurar o seu prezo do mercado eléctrico para un determinado volume.
• Ademais, recóllese como necesidade irrenunciable a incorporación da categoría do consumidor hiper electrointensivo.
Con todas estas medidas, sumadas á poxa de interrompibilidade, a industria galega poderá Gcompetir en igualdade de condicións co resto de Europa, situando o prezo do MW entre os 35 e os 40 euros.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
