Viveiro, 25.10.2019. O GALP da Mariña Ortegal comezou a xestionar o pasado verán o proxecto “GOBERMAR, Impulso da Gobernanza do sector pesqueiro na Mariña Ortegal”. GOBERMAR ten como cometido incrementar o número de iniciativas promovidas polo sector pesqueiro na zona, dando a coñecer as axudas do Fondo Europeo e Marítimo de Pesca (FEMP), especialmente para accións de pesca costeira artesanal, actividades de transformación e comercialización e outras que fomenten o aproveitamento dos recursos mariños e a súa cadea, revitalizando a pesca e o marisqueo.
Durante os meses de xuño a setembro realizáronse 29 xuntanzas informativas con responsables políticos, persoal técnico municipal, confrarías e asociacións para detectar necesidades e oportunidades (sistemas de depuración, envasado, etiquetado, explotación de novas especies….). Participaron 89 persoas de 16 entidades (confrarías, agrupacións sectoriais e asociacións de percebeiros e redeiras).
Actualmente, estase a estudar as necesidades do tecido empresarial, tanto sociedades como autónomos/as para poder identificar potencialidades e novas ideas de proxectos nas vindeiras convocatorias deste Fondo. Así, estase a realizar unha serie de cuestionarios de detección de oportunidades de negocio ás empresas nas que se recollen aspectos relativos á actividade económica principal (CNAE), análise da súa clientela, provedores, relacións coas institucións e no seo do asociacionismo profesional, necesidades formativas, liñas de financiamento de interese para a organización e a identificación de futuros proxectos.
Coa realización dos obradoiros de xeración de proxectos do mar, póñense en contacto ás confrarías e o tecido asociativo coas empresas do sector. Realizaranse un total de 6 encontros, nas localidades de Cariño, Cedeira, Ortigueira, Burela, Viveiro e Ribadeo, grazas a colaboración dos concellos. Terán unha duración aproximada de 2 horas e responden ao seguinte esquema de contidos:
Presentación de GOBERMAR, obxectivos e accións.
Resumo do traballo de campo (asociacionismo e empresas)
Liñas de financiamento abertas e exemplos de proxectos financiados.
Café-debate (traballo en grupos). En función do nivel de participación de cada municipio, efectuarase un modelo de dinámica sectorializada (con mesas distintas nas que se agrupe ás empresas da pesca extractiva, transformadoras e comercializadoras) ou ben a través dunha dinámica xenérica sobre a elaboración de proxectos para a mellora da competitividade e identificación de liñas de negocio, coa participación dos mesmos temas en tódalas mesas.
Ao finalizar a xornada levarase a cabo unha degustación dun pincho mariñeiro elaborado con produtos pesqueiros locais.
Para participar nestes obradoiros é precisa a inscrición previa no e-mail do programa: gobermar.marinaortegal@gmail.com
As datas e lugares dos obradoiros de xeración de proxectos son as seguintes:
Martes 5 de novembro, ás 17:00 horas, na casa do Concello de Cariño.
Mércores 6 de novembro, ás 18:00 horas no Auditorio de Cedeira.
Martes 12 de novembro ás 18:00 horas, no Centro de San Roque de Ortigueira.
Xoves 14 de novembro ás 18:00 horas, no Centro de Formación Ocupacional de Burela.
Martes 19 de novembro, ás 18:00 horas, na casa do Concello de Viveiro.
Mércores 20 de novembro ás 18:00 horas, na Casa da Xuventude de Ribadeo.
O proxecto GOBERMAR finalizará coa celebración dun Foro de Mellora da Gobernanza no mes de decembro, en Viveiro, do que se dará conta en breve. Este foro presentará distintas experiencias innovadoras e empresas da Mariña Ortegal que están a ser un referente no seu sector.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
