Lugo, 31 de outubro de 2019.- A subdelegada do Goberno, Isabel Rodríguez, informou hoxe de que xa está en marcha todo o dispositivo para a celebración das eleccións xerais o vindeiro día 10 de novembro e destacou o importante traballo que se está levar a cabo para que os lucenses poidan escoller aos seus representantes nas Cortes Xerais.
Nas últimas horas, a subdelegada presidiu unha xuntanza para a organización do equipo humano que traballará na seguridade dos comicios, tamén visitou o dispositivo encargado de facer chegar a todos os concellos da provincia os medios para a celebración das eleccións. Ademais, a subdelegada comprobou que todo está a punto para os comicios na provincia no simulacro realizado nas últimas horas.
Isabel Rodríguez explicou que nas eleccións xerais do 10 de novembro están chamadas a votar na provincia de Lugo 344.445 persoas, das que 277.219 son residentes nos 67 concellos e 67.226 residen no exterior. En total o censo descendeu na provincia en 592 electores respecto das elecciones celebradas o 28 de abril.
Nestes comicios, os lucenses escolleremos 4 deputados no Congreso e 4 senadores. Na nosa provincia, son 12 as candidaturas proclamadas para o Congreso e outras 11 para o Senado, unha menos que nas eleccións de abril.
Respecto da loxística preparada para a celebración das eleccións, a subdelegada do Goberno informou de que na provincia haberá un total de 408 locais electorais nos que distribuirán 538 mesas de votación. Ademais, imprimíronse un total de 3.000.000 de papeletas das distintas candidaturas que se presentan ao Congreso dos Deputados e 250.000 papeletas para o Senado.
Para formar as mesas electorais foron elixidos, mediante sorteos celebrados en todos os concellos da provincia, un total de 4.842 persoas, entre titulares e suplentes. Ademais, 413 representantes da Administracións encargaranse de verificar a correcta apertura das mesas, resolver incidencias e recoller os datos do reconto do voto.
CALENDARIO ELECTORAL
A campaña electoral para as eleccións xerais desenvolverase entre os días 1 e 8 de novembro. O día 9 de novembro será a xornada de reflexión e as votacións terán lugar o día 10, entre as 9:00 e as 20:00 horas.
VOTO POR CORREO
O prazo de solicitude do voto por correo remata hoxe. A oficina do Censo Electoral envía a documentación antes do día 3 de novembro e ata o día 8 de novembro pódese depositar o voto en calquera oficina de Correos.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
