Burela, 21 de novembro, 2019. Este mércores as monitoras de Gaia, do Concello de Burela, estiveron cos rapaces de Camiña realizando un taller de cociña con sobras, cunha receita para elaborar croquetas de pito e de xamón.
As monitoras de Gaia explicaron que “o obxectivo era concienciar da importancia de non tirar comida ao lixo, e recordar que en moitas ocasións coas sobras podemos facer un novo prato moi apetitoso. Os datos ao respecto da comida que remata no lixo son preocupantes: en España 7’7 millóns de toneladas de alimentos desperdícianse ao ano. Cada fogar tira ao lixo uns 76 quilos de alimentos anualmente”.
E engaden que “estes días celébrase a Semana Europea da Prevención de Residuos, que baixo o lema Cambia os teus hábitos, reduce os teus residuos, intenta concienciar sobre a problemática dos residuos, e sen dúbida os residuos orgánicos xogan un papel importante. Pequenos xestos no noso día a día poden axudar a reducilos: fai unha lista da compra antes de mercar, fíxate na data de caducidade dos alimentos, revisa a túa despensa periodicamente, adecúa as racións de comida ao número de comensais, cos restos de comida intenta facer unha nova receita, conxela alimentos… E se aínda así tes sobras proba a facer compost, un abono natural para as túas plantas ou para a horta”.
Seguen en Burela as actividades da Semana Europea da Prevención de Residuos
Relacionado
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
