Vilalba, 22 de novembro, 2019. A dirección provincial do PP nomea á deputada autonómica Sandra Vázquez presidenta da xestora do partido en Vilalba, que rexerá a formación popular na localidade ata a convocatoria dun novo congreso. Así o trasladou a presidenta do Partido Popular da provincia de Lugo, Elena Candia, en rolda de prensa despois de manter unha reunión co comité executivo local na que o Agustín Baamonde presentou a súa renuncia como presidente.
Baamonde, que continúa a formar parte da corporación municipal e tamén da provincial, sinalou que “o cambio na dirección do PP local responde á necesidade de dar paso a outras caras á fronte do partido despois de que o Partido Popular non lograra revalidar a maioría absoluta dos últimos 40 anos en Vilalba nas últimas eleccións municipais”.
Candia sinalou que a nova xestora “abre unha nova etapa co obxectivo de reactivar a formación da vila natal de Manuel Fraga, o fundador do noso partido”. Convencida de que “o Partido Popular é o que mellor representa os intereses dos vilalbeses igual que o dos lucenses, galegos e españois”, aposta pola esta renovación co obxectivo de afianzar o proxecto do PP na capital da comarca da Terra Chá. A este respecto, recorda que a candidatura do Partido Popular ao Congreso pola nosa provincia contou con máis do 40% dos votos no municipio tanto nas pasadas eleccións xerais do mes de abril coma na última cita coas urnas do pasado 10 de novembro.
Elena Candia destacou a figura de Agustín Baamonde como “persoa de partido e, sobre todo, persoa entregada aos vilalbeses”. A ese respecto, recordou os seus 18 anos –divididos en dúas etapas- de labor á fronte do Concello de Vilalba así coma a súa profesionalidade durante o tempo no que formou parte do Parlamento de Galicia e tamén da Corporación da Deputación Provincial onde agora teño a sorte de traballar máis directamente con el en beneficio de tódolos lucenses e, particularmente, en defensa dos intereses dos chairegos e chairegas”. Un dos exemplos que citou a mandataria popular foron, precisamente, as distintas iniciativas que lidera Baamonde ante a incerteza sobre a central térmica de Endesa nas Pontes que afecta a moitos traballadores -principalmente do sector do transporte- de Vilalba e dos concellos da súa contorna”.
A máxima dirixente do PP da provincia agradece, así mesmo, o traballo e a dedicación de todas as persoas que forman e formaron parte dos Grupos Municipais do PP e que tiveron responsabilidade de goberno. E, igualmente, destaca “o compromiso e a responsabilidade que adquire hoxe Sandra Vázquez ao facerse cargo da xestora vilalbesa”. Ao mesmo tempo Candia puxo en valor “as súas ganas de traballar tanto en beneficio do partido coma dos vilalbeses e vilalbesas. Así o ten demostrado tamén nos cargos institucionais que ten ostentado durante catro anos e medio como concelleira, preto dun como senadora e tres como deputada do PP no Parlamento de Galicia”.
Esforzo, traballo e dedicación para converter ao PP nun equipo gañador en Vilalba
Vázquez, pola súa banda, quixo agradecer ao Partido Popular e, máis concretamente á presidenta provincial, por “confiar na miña persoa para afrontar este reto” para o que “conto con toda a familia do Partido Popular de Vilalba –alcaldes, concelleiros, afiliados, simpatizantes e colaboradores-”. Nese sentido, a deputada e concelleira tivo palabras de recoñecemento “ao traballo desenvolto por todos eles, moitas veces de forma desinteresada”, sinalou.
Así mesmo, a nova presidenta da comisión xestora vilalbesa apuntou “o esforzo, o traballo e a dedicación” coma os tres elementos nos que cre se basea calquera proxectos para lograr os seus obxectivos que neste caso, explicou, pasan por “converter ao PP nun equipo gañador en Vilalba”. Para iso, é preciso contar con “persoas de dilatada experiencia e tamén con xente nova que represente o sentir dos veciños e veciñas no noso municipio”. De feito, Sandra Vázquez aposta por “continuar a poñer o partido á disposición dos vilalbeses e vilalbesas”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
