Lugo, 27 de novembro de 2019. Un total de 15.532 mozas e mozos lugueses, con idades comprendidas entre os 6 e os 16 anos, están chamados a participar no curso 2019-20 no programa de deporte escolar Xogade, financiado e promovido pola Secretaría Xeral para o Deporte da Xunta de Galicia.
O delegado territorial, José Manuel Balseiro, explicou que ao longo do ano celébranse competicións nas distintas comarcas da provincia, de carácter local, provincial e autonómico, con diferentes ligas e campionatos finais segundo cada caso. Os calendarios para cada unha das semanas publícanse na web https://xogade.xunta.gal
A través desta iniciativa, a Administración autonómica, en colaboración coas federacións e agrupacións escolares da provincia, ofrece un programa moi completo que inclúe 16 modalidades deportivas diferentes, coa estrea nesta tempada do piragüismo (atletismo en pista, bádminton, baloncesto, balonmán, campo a través, dúatlon, fútbol sala, natación, orientación, patinaxe artística, piragüismo, tenis de mesa, voleibol, xadrez, Xogando co atletismo e multixogo).
Entre as novidades para este curso cómpre salientar tamén que o Servizo Provincial de Deportes de Lugo prevé organizar de forma experimental seis xornadas de iniciación á escalada nas instalacións do Rocódromo do Pazo de Feiras e Congresos de Lugo.
Preto de 400.000 euros de investimento
Esta edición do programa Xogade terá un investimento próximo aos 400.000 euros destinados á organización de actividades, transportes e seguros. A Xunta garante os seguros deportivos para os rapaces entre 6 e 16 anos, para o que destina 265.000 euros neste ano. Tamén sufraga o gasto de transporte, para o que se dispón de preto de 500 autocares, e encárgase da organización das competicións, o que supón un importe de 123.000 euros.
O programa Xogade vai dirixido aos centros de ensino, ANPAs, clubs, escolas deportivas municipais, agrupacións deportivas, asociacións etc. que o desexen. A inscrición realízase a través da aplicación informática www.deporteescolargalego.com, que se atopa vinculada á páxina: deporte.xunta.gal.
Balseiro lembrou que este programa da Xunta pretende fomentar que as nenas e nenos medren con hábitos de vida saudables, entre os que a práctica da actividade física regular é un dos máis importantes.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
