Ribadeo, 3 de decembro de 2019. O colexio ribadense Sagrado Corazón de Jesús recibiu un premio do certame Irmán Reboiras ás mellores iniciativas de fomento do galego polo proxecto Na fronte unha estrela e no bico un cantar, actividade coa que este centro educativo de Ribadeo celebrou o día de Rosalía este ano. Trátase dun premio outorgado por Escolas Católicas e a editorial Santillana a dúas iniciativas seleccionadas de entre 115 presentadas ó concurso.
Nesta actividade do colexio Sagrado Corazón “uníanse a poesía, a astronomía, a música e a plástica. Partindo do poema A Rosalía, de Curros, fomos colocando as constelacións máis importantes que vemos no ceo ó longo das distintas estacións. En cada constelación ía escrito un poema de Rosalía e nas estrelas que a conformaban códigos QR co poema recitado polo alumnado, versións musicadas e outros datos do mesmo. O remate do traballo era un poema de Lorca: Canción de cuna a Rosalía morta. Traballáronse os distintos poemas con versións musicadas moi diferentes: Carme Rodríguez, Amancio Prada, Astarot, Pandereteiras de Verducido, AID, … Con estas constelacións realizamos un mural que estivo decorando o patio do colexio desde febreiro, para que toda a comunidade educativa o puidera ver”, explica a xefa de estudos do centro, Begoña Sanjurjo.
A xefa de estudos do Sagrado Corazón destacou: “é un premio do que estamos moi orgullosos porque, ademais de ser unha actividade multidisciplinar en galego, foi realizada por todo o colexio en conxunto, desde o alumnado de 3 anos ata os de 16, sendo un premio para tod@s”.
O premio, que foi recollido en Santiago polas profesoras Begoña Sanjurjo e Isabel Fernández, consiste en 300 euros para comprar material en galego e unha actividade para o centro.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
