Santiago, 3 de decembro, 2019. Tras a comparecencia da conselleira do Mar, Rosa Quintana para informar das liñas de traballo cara á negociación dos totais admisibles de capturas (TAC) para o 2020, a portavoz de Pesca do BNG, Montse Prado asegurou que a intervención da titular de Mar representa “unha emenda á totalidade” da política do Partido popular na Xunta, no Estado e Parlamento europeo. A deputada recalcou que o marco no que se deciden as cotas e a TAC resulta “lesivo” para a flota galega e de confirmarse a proposta, miles de persoas vinculadas ao sector sufrirán graves consecuencias.
Neste sentido, afirmou que en Pesca, Galiza “non ten voz, veto nin voto” como demostrou a política do Partido popular durante os últimos dez anos e negou o aumento das cotas para a flota galega asegurando que a única especie incrementada foi a “xarda pintada”, un produto que carece de valor fronte a outras como a xarda que baixou dende o ano 2009 de 24 mil Toneladas a 5.000 a finais do mes de novembro, o rapante, de 7.500 a 5.700 toneladas no mesmo período ao igual que a castañeta, de 4.100 a 2.700, a sardiña de 13.800 a 2.300 toneladas e a cigala, de 650 mil quilos a 152 mil quilos.
Prado denunciou a postura favorable do Partido popular á política pesqueira tras asumir o principio de estabilidade relativa en vigor durante a entrada do Estado español, incluída Galiza. É obvio, dixo, que Galiza mantén unha importante dependencia da pesca, sen embargo non contamos con mellores condicións nin recursos polo que preguntou a Quintana que problemas resolveu despois de permanecer dez anos como conselleira do Mar e si ten o compromiso para declarar a Galiza “zona altamente dependente da Pesca” como leva o BNG reclamando dende hai anos para primar o papel socioeconómico do sector.
Para vostedes, dixo, “espertar conciencias en Europa é espetarlle que nos están maltratando pero a forma de acabar con esa discriminación só é posible tendo voz, veto e voto”, reiterou.
Prado criticou que o Partido popular non defende o sector pesqueiro galego ante un modelo europeo que o somete a un “reparto discriminatorio, escaseza de cotas, e dificultades para a pesca artesanal como o xeito, sardiña, bocarte, cigala ou xarda”.
O modelo de TAC é “nefasto” para a pesca galega, afirmou, non diferencia pesca industrial de pesca artesanal, non protexe ás comunidades pesqueiras e mantén uns TACs e cotas inasumíbeis para a flota galega polo que pediu á conselleira do Mar que esixa “un cambio de modelo” e criterios para protexer a pesca artesanal galega que é, ao seu xuízo, a que “crea emprego e asenta poboación”.
Prado anunciou que o BNG continuará presentando iniciativas en defensa da pesca artesanal e seguirá rexeitando os criterios políticos para o reparto de cotas entre as que destacou Bélxica cun 0.90% de embarcación e unha cota do 1,65% das capturas. A deputada pediu á titular de Mar instar ao Partido popular no Parlamento europeo para reverter esa situación con medidas reais que beneficien a Galiza.
A deputada recalcou que os criterios no reparto das cotas deben ser políticos e para iso é preciso ter “voz, veto e voto”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
