NOTA DE PRENSA:
O portavoz do PP anuncia que a Xunta aporta seis mil euros para as Xornadas de EXPOMAR.
González Barcia considera que “non hai xestión desde a presidencia de EXPOMAR”.
Asegura que as xornadas son un referente para o sector “desde sempre”.
O portavoz do GMPP de Burela, José María González Barcia, anunciou hoxe que a Consellería do Mar aportará seis mil euros para a celebración das Xornadas Técnicas e Profesionais do sector náutico-pesqueiro que organiza a Fundación EXPOMAR, e que este ano se celebrarán no mes de Maio.
González Barcia fixo este anuncio logo de falar cos máximos responsables da Consellería e coa Delegada Territorial da Xunta, Raquel Arias, e “ante a falla de xestión demostrada pola presidencia da Fundación, que recae no propio alcalde de Burela”. Barcia indicou que “o PP sempre se preocupou pola celebración de este evento, evento que, desde sempre, marca e fixa moitas das liñas a seguir en materia pesqueira e que son sen dúbida un referente do sector en materia de debate e plantexamento de propostas”. O portavoz do PP manifestou tamén que “nós, o PP, sempre apostamos por EXPOMAR e pola súa actividade, algo evidente ó longo dos anos, e vista a ausencia de xestión política, non ía ser menos neste caso; deste xeito, con esta axuda, a aportación das organizacións do propio sector, Confraría e ABSA, deberían ser mínimas para evitarlles cargar con custos económicos tendo en conta a actual situación de crise económica”.
Finalmente, González Barcia indicou que “co goberno municipal do PP, nunca houbo ningún problema de financiación, nin coa Xunta do PP nin coa bipartita, porque había traballo e xestión. Agardamos que as cousas se reconduzan para que a Fundación EXPOMAR teña continuidade real e con garantías económicas”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
