Lisboa, 10 de decembro de 2019. Esta semana celébrase en Lisboa a primeira xuntanza do proxecto Inclusión e empregabilidade mediante a tecnoloxía do vehículo eléctrico, de Apaga (Asociación de Profesores de Automoción de Galicia).
Na capital portuguesa atópase Álvaro Doural que explica que “durante toda a semana a temática de traballo será a formación sobre o manexo do editor de libros electrónicos. Polas tardes facemos visitas a empresas relacionadas coa tecnoloxía dos vehículos eléctricos. E xa o venres, que será o último día de traballo, o que faremos será organizar a próxima xuntanza que teremos a finais de xaneiro de 2020”.
Os obxectivos que persegue este proxecto de Apaga son elaborar 14 unidades didácticas dixitais inclusivas para o alumnado de FP Básica e deseñar un programa de formación en aberto de capacitación profesional para favorecer a empregabilidade real con vehículos eléctricos. Desde Apaga sinalan que “desde unha óptica de colaboración transnacional, atopamos a motivación necesaria para propoñer o deseño conxunto de materiais curriculares que permitan definir a figuran dun novo técnico especialista en vehículos eléctricos, xa que non existe formación específica”. Desde o proxecto alúdese ao incremento que rexistraron as matriculacións de eléctricos e híbridos nos últimos anos.
Os grupos aos que vai destinado o devandito proxecto son profesionais do ensino europeos que traballan na rama de automoción de programa VET; alumnado de programas VET inicial (FP Básica inicial) que requiren de materiais específicos para asegurar a adquisición de competencias que lles garantan unha empregabilidade real cando abandoen o sistema educativo; profesionais en activo ou desempregados que precisan adquisición ou actualización das súas competencias profesionais para traballar con vehículos eléctricos; e empresas do sector automobilístico que necesitan a formación de profesionais con perfís concretos para abordar o amplo mercado laboral que se abre co aumento do número de vehículos eléctricos.
Xunto a Apaga, que é a promotora deste proxecto europeo, participan entidades de Portugal, Romanía, Italia, Turquía, Croacia e Lituania.
Esta semana celébrase en Lisboa a primeira xuntanza do proxecto Inclusión e empregabilidade mediante a tecnoloxía do vehículo eléctrico, de Apaga
Relacionado
-
O Colexio de Xornalistas organiza en Viveiro un taller para combater a desinformación
-
O Concello de Riotorto solicita á Deputación un convenio de colaboración para o equipamiento da nova residencia de maiores
-
O PP de Barreiros pide ao goberno local “culminar o PXOM e buscar unha solución que evite a demolición das vivendas de Lóngara”
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
