A Mariña, 10 de decembro de 2019. Tanxugueiras chega á Mariña o vindeiro sábado, día 14, para interpretar en directo os temas do seu último traballo, titulado Contrapunto e que se pode escoitar dende o 22 de novembro en todas as plataformas dixitais. O grupo conformado por Sabela Maneiro, Aida Tarrío e Olaia Maneiro, acompañadas de Isaac Palacín ás percusións, volve nesta nova etapa cunha posta en escena moi coidada e rebosante de enerxía.
A xira inicial de presentación de Contrapunto aposta por descentralizar os eventos culturais e manterse apegadas e presentes no territorio do que emana a tradición musical que inspira ao grupo. Así, a xira arrancou o pasado día 29 en Mos e continuou en Celanova o xoves 5.
As entradas para o concerto de Burela, que terá lugar no auditorio municipal ás 21.00 horas do sábado 14 , xa se poden adquirir a través da páxina web oficial do grupo www.tanxugueiras.com e da plataforma www.enterticket.es. A vindeira cita de Tanxugueiras co público terá lugar en Santiago de Compostela o 2 de febreiro de 2020. Para esta nova etapa, as Tanxugueiras subiranse aos escenarios non só con ganas de pasalo ben e a enerxía de sempre que lles caracteriza, senón tamén acompañadas dunha posta en escena na que a iluminación ten un peso fundamental para achegar ao
público ás historias que narran nas dez cancións que conforman Contrapunto . Un directo que busca que os e as espectadoras acompañen a Olaia, Aida e Sabela nun percorrido que comeza polas letras máis delicadas e íntimas do disco e que vai subindo de revolucións ata a máxima potencia que Tanxugueiras pode despregar no escenario. Así, o novo directo do grupo será tamén un bo exemplo da evolución musical que plasma o seu segundo disco,
que contén un relato maduro, cheo de matices e renovador e no que as tres asumiron a súa definición artística e musical coa colaboración de Isaac Palacín.
Contrapunto é, polo tanto, a visión máis persoal dun grupo que aposta pola evolución da música tradicional pero partindo dende a recollida de letras populares. Con elas, Tanxugueiras fía cinco relatos, cada un coa súa cara e a súa cruz, nos que cantan ao empoderamento da muller, á deslealdade e á traizón, á liberdade política, á amizade, á vida, á liberdade de decisión, a crítica á ditadura ou ao desengano. O álbum está xa dispoñible nas principais plataformas dixitais para a súa escoita e para a venda en tendas físicas e online, así como nos concertos do grupo.
Banda destacada no GalicianTunes
Logo do lanzamento do seu segundo disco, Tanxugueiras sitúanse esta semana como grupo destacado en GalicianTunes (www.galiciantunes.com), plataforma impulsada pola Xunta de Galicia a través da Agadic (Axencia Galega de Industrias Culturais)- e en colaboración con AGEM (Asociación Galega de Empresas Musicais) e a asociación Músicos ao Vivo co obxectivo de favorecer a promoción internacional e a presenza exterior das agrupacións galegas.
Este fito musical súmase tamén á boa acollida que tanto Desposorio coma Perfidia están a ter en plataformas como Spotify ou Youtube, na que o primeiro single do novo álbum supera xa as 20.000 reproduccións.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
